خاص تامر أمين "سامح" في "اتنين غيرنا" لـ"في الفن": الشخصية شبهي في الحقيقة والناس أكرمتني جدا

نهال ناصر | فى سينما وتلفزيون

تامر أمين

الأحد , 8 مارس 2026 - 14:48 | اخر تحديث: الأحد , 8 مارس 2026 - 14:48

نجاح كبير حققه مسلسل "اتنين غيرنا" الذي عرض في النصف الأول من شهر رمضان، تابعه الجمهور بحب وأشادوا بأجواء المسلسل وكل المشاركين فيه.

وأكثر ما لفت انتباه الجمهور في المسلسل هو ظهور وجوه جديدة ورغم أنها التجربة التمثيلية الأولى لهم لكنهم تمكنوا من إثبات أنفسهم من العمل الأول، ومنهم الفنان تامر أمين أو "سامح" صديق "حسن"، بخفة دمه وصراحته.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

تواصل FilFan.com مع الفنان تامر أمين ليحدثنا عن مشاركته في المسلسل وكواليس العمل ويعرف الجمهور عليه.

نرشح لك: عتاب ولوم متبادل بين مي عمر وياسمين عبد العزيز بعد أزمة الأعلى مشاهدة

في البداية طلبنا من الفنان تامر أمين أن يعرفنا ويعرف الجمهور بنفسه وقال: "أنا خريج جامعة أمريكية إعلام بس مشتغلتش في المجال دا بعد التخرج اشتغلت مع أهلي في مجال الغزل والنسيج، وفي 2010 اشتغلت في مجال المقاولات، دي الحاجة اللي بعمل لغاية اللحظة الحالية، هو بيزنس خاص بعيد عن المجال، وفي سنة 2021 دخلت المجال بالإعلانات عملت كذا إعلان ظهرت في حملة دعائية مع الفنان أحمد فهمي وبعدها حملة لأحد البنوك، اشتغلت مع علي علي أكبر مخرج إعلانات في مصر وهو من الناس اللي ساعدتني أني أقف قصاد الكاميرا، بعد كده بقيت "كوبي رايتنج" لسكريبت الإعلانات".

تامر أمين ودينا الشربيني وآسر ياسين

وأوضح تامر أمين أنه يحب التمثيل منذ سنوات لكنه لم يمارس هذه الهواية قائلا: "أخدت في الجامعة كورس وكنت بشتغل في مسرحية رامي إمام هو دفعتي بس كنت في الكواليس، يعني في الإضاءة وحاجات تانية لكن مش كممثل، والمسرحية لما اتعرضت حضرها أستاذ عادل إمام".

رغم أنه العمل الأول له كممثل لكن تامر أمين ظهر تلقائيا وطبيعيا أمام الكاميرا وأوضح لنا أن شخصيته في مسلسل "اتنين غيرنا" تشبه قائلا: "شخصية "سامح" شبهي في الحقيقة عشان كده الناس صدقتني، ساعدني في الظهور بالشكل دا زملائي وأستاذ خالد الحلفاوي الدنيا هادية في اللوكيشن مفيش توتر، أنا اترشحت للدور دا عن طريق صديقتي رنا أبو الريش، عملت "أوديشن" واختاروني للدور، والكواليس كل الناس متعاونة شفت من الناس كل مساعدة وحب".

تامر أمين والمخرج خالد الحلفاوي

وعن ردود الفعل والنجاح الكبير الذي حققه العمل قال تامر أمين: "متفرجتش على المسلسل وقت عرضه بعد ما خلص وشفت رد الفعل اتفرجت وفعلا في كيميا بينا وحب ودا سبب نجاح المسلسل أن الناس مفتقده حالة الحب".

وأكمل: "الناس أكرمتني جدا وكل التعليقات كانت جميلة ومجاملة كتير قالوا أنت بتضحك من غير مجهود وكنت فين من زمان، أنا مذهول ربنا كرمني كرم كبير جدا مكنتش متخيل كده الحقيقة أنا كنت قلقان لأنها أول مرة، الناس سابت الحرب واللي بيحصل في الدنيا وبقينا "نور وحسن" منين ما أمشى يسألوني هيرجعلها ولا لأ".

تامر أمين اتنين غيرنا

وعن أصعب المشاهد التي واجهته في المسلسل قال: "المشهد الصعب كان مشهد الخناقة بيني وبين أستاذ آسر ياسين لأن إحنا كنا حبايب أوي وحتى وإحنا بنزق بعض مفيش نفس، في الورق كان المفروض تتطور عن كده".

وتلقى تامر أمين تعليقات كثيرة من الجمهور حول تقديمه لأدوار كوميدية كونه قدم كوميديا خفيفة في المسلسل لكن بالنسبة له هو ممثل يتمنى تقديم كل الأدوار، فقال: "أنا ممثل أعمل أي حاجة أنا عملت الشخصية دي بسهولة لأنها أقرب حاجة لشخصيتي في الواقع لكن لو اتطلب مني أي دور مكتوب بشكل كويس مع مخرج أثق فيه مش هرفض".

ولا يمكننا أن نتحدث معه ولا نسأله عن تشابه الأسماء بينه وبين الإعلامي تامر أمين وقال لنا عن بعض التعليقات التي قرأها: "في بعض الناس على فيسبوك قالوا دا بتاع التليفزيون بقى ممثل".

اقرأ أيضا:

مي عز الدين تغادر المستشفى بعد تحسن حالتها الصحية

غادة إبراهيم: عمري ما شفت أحمد العوضي وشائعة طلبه إيدي للجواز مفبركة ... الجمهور بيحب صراحتي

سوسن بدر: نهاية "موناليزا" مكتوبة من البداية ولم يتم تغييرها

مصطفى عسران "مساعد المخرج" في "الكاميرا الخفية" لـ"في الفن": 50% من اللي بيحصل ارتجال مننا واتصبت في حلقة أحمد العوضي

بيتر ميمي يرد على كابتن إيلا بعد تعليقها على مسلسل "صحاب الأرض"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5