رحمة أحمد: بخاف من المستشفيات وتصوير "عرض وطلب" كان تحدي

نهال ناصر | فى حياة المشاهير

رحمة أحمد

الأحد , 8 مارس 2026 - 11:47 | اخر تحديث: الأحد , 8 مارس 2026 - 11:47

حكت الفنانة رحمة أحمد عن أزمتها مع المستشفيات وذلك بعد تعرضها لوعكة صحية في وقت سابق، مما تسبب لها في حاجز نفسي وأصبحت تخاف من دخول المستشفى.

وقالت رحمة أحمد خلال لقائها في برنامج "حبر سري": "أنا تعرضت لحاجة كده اضطريت إني أدخل بسببها العناية المركزة، أنا عندي طول عمري حساسية ممكن تجيلي من أكل أو من أدوية مقدرش أخدها، في يوم بطني وجعتني أوي اضطريت إني أدخل الطوارئ أدوني مسكن طلع عندي حساسية شديدة منه، بسببه جالي حساسية ومكنتش قادرة اتنفس".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأكملت رحمة أحمد: "أنا مكنتش أعرف إني عندي مشكلة من المستشفيات مش بحبها بس كنت أقدر أدخل أزور حد، لكن بعد الأزمة كنت بصور مسلسل "لعبة وقلبت بجد" وكنا هنصور في مستشفى وأول ما دخلت جالي "Panic Attacks" نوبة هلع، ومعرفتش أكمل تصوير وشكرا أنهم مضغطوش عليا ولغوا اليوم ومعرفتش أدخل أصور تاني".

نرشح لك: عتاب ولوم متبادل بين مي عمر وياسمين عبد العزيز بعد أزمة الأعلى مشاهدة

وأضافت:"كنت مضيت مسلسل "عرض وطلب" ومشاهدي الأساسية في المستشفى وكان عندي أزمة نفسية إني هعرف إزاي أصور، تاني بروفة قراءة للسيناريو كلمت مديرة أعمالي وفضلت اعيط وقلت لها مش هقدر أعمل المسلسل، لما صورت "عرض وطلب" كان تحدي مش عادي المخرج والإنتاج والممثلين وقفوا جمبي، عطلتلهم حاجات كتير أوي جاتلي Panic Attacks كتير وسط التصوير في أيام كنت بعرف أكمل وفي أيام مكنتش بعرف وفي أيام بضغط على نفسي والرحلة دي كلها أنا بتعالج نفسيا عشان أتخطى اللي حصل كان صعب أوي أوي، كان مسيطر عليا إني التزمت بمسئولية تجاه العمل".

واختتمت حديثها عن هذه الفترة: "أنا دخلت العناية المركزة مرتين أول مرة كانت طويلة وبعد ما خرجت دخلت تاني وكنت بعيط وغصبوني إني أدخل العناية المركزة واعتقد دا اللي عاملي أزمة".

اقرأ أيضا:

مي عز الدين تغادر المستشفى بعد تحسن حالتها الصحية

غادة إبراهيم: عمري ما شفت أحمد العوضي وشائعة طلبه إيدي للجواز مفبركة ... الجمهور بيحب صراحتي

سوسن بدر: نهاية "موناليزا" مكتوبة من البداية ولم يتم تغييرها

مصطفى عسران "مساعد المخرج" في "الكاميرا الخفية" لـ"في الفن": 50% من اللي بيحصل ارتجال مننا واتصبت في حلقة أحمد العوضي

بيتر ميمي يرد على كابتن إيلا بعد تعليقها على مسلسل "صحاب الأرض"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5