خاص مصطفى عسران "مساعد المخرج" في "الكاميرا الخفية" لـ"في الفن": 50% من اللي بيحصل ارتجال مننا واتصبت في حلقة أحمد العوضي

نهال ناصر | فى سينما وتلفزيون

مصطفى عسران

السبت , 7 مارس 2026 - 14:04 | اخر تحديث: السبت , 7 مارس 2026 - 14:04

بعد توقف لسنوات طويلة عاد برنامج "الكاميرا الخفية" من جديد لكن هذه المرة بفريق عمل جديد وفكرة جديدة ويتم تنفيذ المقلب في الفنانين، نفس الشعار والموسيقى الشهيرة التي اعتاد جيل الثمانينيات والستعينيات على سماعها، نسمعها الآن مع البرنامج الذي يعرض وقت الإفطار ونجح في جذب عدد كبير من الجمهور لمتابعته.

برنامج "الكاميرا الخفية" يقدمه تميم يونس، وتعتمد فكرته على حضور النجم للاستديو لتصوير حملة توعوية أو إعلان مسلسله الرمضاني، يقدم تميم يونس نفسه أنه مخرج الإعلان ويتعرض النجم لمواقف عديدة، أبطالها عدد من الشباب الذين يشاركون في تنفيذ المقلب.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

واحد من الشباب الذين لفتوا الأنظار في البرنامج هو مصطفى عسران ويقدم دور "مساعد المخرج"، تجده في كل مكان يحاول استفزاز النجم سواء بسؤال متكرر يوجهه له أو بتعطيل الفنان خلال التصوير.

نرشح لك: ياسين السقا يرد على جدل تناوله للبانة في نهار رمضان

تواصل FilFan.com مع مصطفى عسران ليحكي لنا عن كواليس البرنامج.

مصطفى عسران

في البداية طلبنا من مصطفى عسران يعرفنا بنفسه وقال: "أنا درست بيزنس في جامعة حلوان واتخرجت من 5 سنين، مدرستش تمثيل، لكن بحب التمثيل من زمان وأنا عايز أمثل بس مش بطلب من حد حاجة، والدي رحمه الله كان عنده شركة إنتاج زمان قبل الثورة، وأنا اشتغلت كل حاجة في المجال دا عشان أوصل للتمثيل اشتغلت مساعد مخرج وكاستينج دايركتور وغيرها".

وتابع مصطفى عسران: "دخلت مجال الإعلانات من سنة 2015 بحب أظهر في الإعلانات اللي بتكون شخصيات، بيجلي شغل إعلانات برفضها بجب الإعلان اللي أكون ظاهر فيه بشكل كويس، ظهرت زمان في مسلسل "الكبير" وفي مسلسل "رجالة البيت" وكنت بطل فيلم قصير اسمه "عايز أنام" وفي رمضان 2026 بيتعرض ليا مسلسل "طيار" على يوتيوب من تأليف عمر سكر".

وكشف مصطفى عسران لنا كيف شارك في برنامج "الكاميرا الخفية" وقال: "البرنامج جالي عن طريق أستاذ تميم يونس لأني عملت معاه كذا إعلان قبل كده، كلموني على البرنامج بس وقتها كنت هصور مسلسل "طيار" مكنتش فاضي وبعدها المسلسل اتأجل شوية وأستاذ تميم يونس كلمني تاني وقالي إنه بيعمل برنامج وعايزني فيه بس من غير ما يقولي فكرته، لما رحت عملوا فيا أنا المقلب كاختبار للفكرة، وظبطت مواعيدي في حلقات مكنتش بظهر فيها عشان بيبقى عندي تصوير "طيار"".

مصطفى عسران

من يتابع البرنامج يرى كيف يقوم مصطفى عسران وكل الشباب بدور كبير فيه وتشعر أن كل تصرفاتهم طبيعية غير مرتب لها، وسألنا مصطفى عسران عن كواليس البرنامج وقال: "البرنامج عملنا فيه مجهود كبير وصعب، إحنا بيبقى 50% ارتجال مننا و50% من الحاجات اللي مكتوبة من فريق البرنامج بنقعد قبل الحلقة نتفق، بس للأسف أنا الوحيد اللي مكنش معايا سماعة، الباقي كانوا بيلبسوا سماعات وممكن في الكنترول يقولولهم حاجات، لكن أنا كنت برتجل واللي بحسه بعمله بس بنلتزم أننا في شهر رمضان وفي أطفال بتتفرج علينا".

مصطفى عسران وسايكو

وعن أحب الحلقات لقلبه قال: "كل الحلقات فيها ضحك جميل، حلقة محمود البزاوي كانت جميلة جدا وهو عصبيته حلوة، ولسه في حلقات كتيرة حلوة، في حلقة أحمد العوضي اتعورت، المونتاج شال حاجات كتير بس أنا بعد رمضان في فيديوهات ممكن أنزلها والناس تشوف كواليس المقالب".

وأضاف مصطفى عسران: "إحنا من أول مرة قعدنا واتفقنا إننا مش عايزين نقول أي حاجة خارجة ونحترم أن في أطفال بتتفرج، والنجم نهزر معاه هزار لطيف وخفيف، عايزين الناس تنبسط وهي بتتفرج".

وسألنا مصطفى عسران إن كان تابع ويتذكر برنامج "الكاميرا الخفية" وقال: "كنت بحب برنامج "الكاميرا خفية" و"زكية زكريا" كنت بشوفه في السوشيال ميديا وبيضحكني".

اقرأ أيضا:

أبرز تصريحات رحمة أحمد في "السلم والثعبان": رفضت البطولة بعد شخصية "مربوحة" .. وأشاعوا حضوعي لعملية تكميم .. وأسير بإرشادات الأزمة التنفسية

طلبوا من دياب تقديم "هم تيكا تيكا هم" ... ليلة طربية لنجوم الأغنية في سحور المنتج ياسر الحريري

"نايل سات" ترد على تقارير نسب مشاهدات دراما رمضان 2026: كل القوائم غير صحيحة

كريم فهمي يدافع عن ياسمين عبد العزيز: اللي بيدير لجان بينام ازاي من ظلم الناس

بيتر ميمي يرد على كابتن إيلا بعد تعليقها على مسلسل "صحاب الأرض"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5