باسم سمرة: أنا صريح لكن مش مغرور

نهال ناصر | فى سينما وتلفزيون

باسم سمرة

الأحد , 1 مارس 2026 - 12:33 | اخر تحديث: الأحد , 1 مارس 2026 - 12:33

قال الفنان باسم سمرة إنه لا يرى نفسه مغرورا بل هو يحب الصراحة.

وقال باسم سمرة خلال لقائه في "حبر سري": "مش بتضايق لما حد بيقول إني مغرور، لكن أنا مش مغرور بحب شغلي وبحب الناس يمكن واضح وصريح زيادة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأوضح باسم سمرة أنه لم يعد صريحا كما كان في السابق ولا يتمسك برأه حتى لا يزعج من حوله موضحا: "أكتر صفة اتغيرت فيا هي الصراحة قلت أوي، كنت زي القطر بقول رأيي وبيبقى عن اقتناع وبتمسك بيه، دلوقتي بدأت أخفف عشان مزعلش الناس مني وميتقالش عليا إني شايف نفسي بس اقسم بالله مش بقول حاجة إلا لما تكون صح، أنا مش بقول الرأي كده وخلاص بيبقى في حاجات بتأكد".

نرشح لك: صبا مبارك: قرار الجواز صعب وميلفتنيش غير الرجل الناجح ... سامحت والدي عندنا أصبحت أبا لنفسي

ورفض باسم سمرة فكرة أن بعض النجوم يتدخلوا في كتابة سيناريو الأعمال واختيار الأبطال قائلا: "اللي بيختار السيناريو والممثلين دول مش نجوم دول مدعين هو خايف زي ما بيروح لترزي بيفصله حاجة، أنت كممثل وموهوب بتروح ترمي نفسك في البحر وبتعرف تعوم عوم متعرفش أقعد في بيتكم".

وأكمل باسم سمرة: "في حاجة اسمها فنان مفيش حاجة اسمها نجم، أنا أحب أبقى فنان، أما النجم اللي عنده لجان وبيشتري حب الناس بفلوس أو تبرعات أو يهدد أنه مش هيشتغل تاني ما تغور في داهية دا مش نجم، النجم اللي الناس تحبه ويخاطب الناس ويشوف مشاكلهم، الفنان اللي يقدر يوصل رسالة".

يذكر أن باسم سمرة يشارك في موسم رمضان 2026 بمسلسل "عين سحرية" يتكون من 15 حلقة وبطولة عصام عمر وسما إبراهيم ومحمد علاء وعمر شريف، من تأليف هشام هلال وإخراج سدير مسعود.

اقرأ أيضا:

لطيفة: فراق أمي أصعب لحظة في حياتي وبعد وفاتها رحت مصحة نفسية

"الست موناليزا" VS "كان ياما كان" … كيف تفسد الأم حياة أولادها

أحمد العوضي عن الأعلى أجرا: مناوشات بين الفنانين وعادل إمام في حتة بعيدة

يارا السكري عن الشائعات: الصمت عمره ما خذلني

لا يفوتك: أسماء جلال قالت إنها هتقاضي برنامج "رامز ليفل الوحش" بسبب تصريحات رامز جلال عنها

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5