إنجي المقدم: دوري في "الست موناليزا" كان تحدي والواقع في حاجات أصعب من كده

نهال ناصر | فى سينما وتلفزيون

إنجي المقدم

الأربعاء , 25 فبراير 2026 - 13:02 | اخر تحديث: الأربعاء , 25 فبراير 2026 - 13:02

تحدثت الفنانة إنجي المقدم عن دورها في مسلسل "الست موناليزا" وردود الفعل عليه.

وقالت إنجي المقدم خلال مداخلة مع برناج "تفاعلكم": "كان تحدي كبير إني أغير جلدي تماما وأخرج برا المألوف والمعتاد وكان بالنسبة ليا متعة عندي تحدي جديد في شخصية جديدة وبعيدة وكنت عايزة الناس تشوفني بشكل جديد ودا اللي بسعى طول الوقت إني أعمله كل دور يكون مختلف عن اللي قبله".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن رد فعل الجمهور حول شخصية "علياء" في المسلسل قالت إنجي المقدم: "ناس كتير بتقولي متنزليش الشارع واستخبي الفترة دي بس الحمد لله لما بنزل هما أه كارهين الشخصية بس بسمع كلام كويس عن أن الأداء كان كويس وأن عاجبهم أدائي كممثلة".

نرشح لك: في غياب عمرو أديب ... لميس الحديدي مع منال سلامة وشباب آل أديب على الإفطار

وأوضحت إنجي المقدم إنها لم تنزعج أن دورها ينتهي عند الحلقة السابعة مشيرة إلى أنها دائما بما تقدمه وليس حجم الدور: "هو مش بالكم أو الحجم لما اتعرض عليا الدور اتقالي إني ضيفة 5 حلقات وإحنا بنصور بقى 7 حلقات، بالنسبة ليا كان التركيز كله مش على الكم بالنسبة ليا كان تأثير الدور واختلافه ودا اللي دايما بدور عليه".

وردت إنجي المقدم على الانتقادات التي وجهت للمسلسل وكون الأحداث مبالغ فيها قائلة: "الواقع في حاجات أصعب من كده بكتير أنا مبقتش أقول لأ مفيش حاجة بعيده كل حاجة ممكنه وبتحصل وأسوأ كمان، المسلسل رمضاني جدا وشادد الناس أوي والجمهور بيحب الحاجة اللي يتفاعل معها وتبقى جدلية المسلسلات اللي بتعمل الحالة دي بتكون ناجحة جدا في رمضان".

وعن كواليس المسلسل قالت: "لطيفة جدا كنا بنضحك طول الوقت وبنحضر مع بعض ولما نكون تعبانين نسند بعض كانت كواليس لطيفة جدا، أستاذة سوسن بدر ممتعة والشغل معاها ممتع ومي جميلة جدا وأحمد مجدي من ألطف الشخصيات أبعد ما يكون عن شخصية "حسن" كنا مبسوطين وبنضحك كتير ونهزر".

مسلسل "الست موناليزا" يشارك في بطولته إلى جانب مي عمر كل من: محمد محمود، هدير عبد الناصر، سلوى محمد علي، شيماء سيف، إنجي المقدم، سوسن بدر، أحمد مجدي، حازم إيهاب، جوري بكر، مصطفى عماد، محمود عزب، حسن حفني، والمسلسل من تأليف محمد سيد بشير، وتحت قيادة المخرج محمد علي.

اقرأ أيضا:

دينا الشربيني وآسر ياسين وأبطال "اتنين غيرنا" يحتفلون بانتهاء التصوير

فيديو - ياسر جلال لأحمد ماهر: بشكر حضرتك على الاعتذار .. حصل خير ورمضان كريم

مسلسل "المداح 6" الحلقة 8 - حمادة هلال في ورطة بعد فقده الحجر الثاني من لوح الزمرد

عمرو محمود ياسين: "وننسى اللي كان" يتعرض لحملات منظمة ومدفوعة عبر صفحات التواصل الاجتماعي

لا يفوتك: أسماء جلال قالت إنها هتقاضي برنامج "رامز ليفل الوحش" بسبب تصريحات رامز جلال عنها

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5