نهاد أبو القمصان: أسماء جلال أصيبت بصدمة بعد عرض حلقتها في "رامز ليفل الوحش" وتطالب باعتذار رامز جلال وحذف الحلقة

نهال ناصر | فى سينما وتلفزيون

أسماء جلال ورامز جلال

الاثنين , 23 فبراير 2026 - 13:02 | اخر تحديث: الاثنين , 23 فبراير 2026 - 13:02

كشفت المحامية نهاد أبو القمصان، محامية الفنانة أسماء جلال عن مطالبها باعتذار رسمي من رامز جلال على ما حدث في حلقتها ببرنامجه "رامز ليفل الوحش".

وقالت نهاد أبو القمصان خلال مداخلة هاتفية مع برنامج "تفاعلكم": "إحنا مش ضد أي برنامج ترفيهي أسماء كانت عارفة أن دا برنامج ترفيهي وعارفة أنه مع البرنامج دا تحديدا ومقدمه وأن هيبقى فيه مفاجأت، وهي في الأساس كان عندها بعض التحفظات وتم وعدها أنه هيتم الاحترام للتحفظات دي وعشان كدا وافقت على المشاركة، كانت تحفظاتها عدم استخدام الألفاظ الخارجة أو الإيحاءات الي معروف بيها البرنامج لأن هي شاركت فيه قبل كده ومكانتش عايزة تشارك تاني لكن وعدت أن كل ما سيزعجها مش هيحصل".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت: "وعكس دا اللي حصل هي شافت جرعة مكثفة أثناء تصوير البرنامج من كل اللي تحفظت عليه وحاولت أكثر من مرة تقولهم وقفوا التصوير، واتقالها أن الحاجات اللي ازعجتك في التصوير هنشيلها في المونتاج".

نرشح لك: عمرو سعد يتسبب في زحام بالقاهرة القديمة خلال تصوير مشاهد "إفراج"

وأضافت: " وفي أول يوم فوجئت بمقدمة فيها قدر هائل من التنمر والإهانة ووصفها بوصف لا يليق ويشكل طبقا للقانون المصري عدد من الجرائم، كمان زوايا التصوير نفسه كلها فيها تحفظ شديد وهي بترفض الطريقة دي في التصوير، هي أصيبت بصدمة شديدة لمدة يوم أو يومين وهي بتحاول تستجمع قواها وتتناقش حوالين الموقف القانوني وبناء عليه أعلنا البيان، وإحنا عندنا مطلب واضح وهو اعتذار رامز جلال ليها بشكل واضح عما حدث في البرنامج وأنه يتشال من على المنصات، إحنا منقدرش دلوقتي نطالب بعدم عرض الحلقة لأن هي اتعرضت خلاص وموجودة على المنصات".

وأوضحت سبب قبول أسماء جلال للظهور في البرنامج قائلة: "هي وافقت على الظهور في البرنامج الترفيهي وأنه هيكون فيه بعض المفاجأت، لكن في فرق بين الهزار والمقالب وأني استخدم ألفاظ تصل للجرائم أبسطها التنمر، ولا يوجد في العقد أنها توافق على المقدمة ولم يعرض عليها اسكريبت ما سيقال، وحتى الآن لم نتواصل مع رامز جلال أو أحد من فريقه ومطلبنا هو الاعتذار وحذف الحلقة".