شريف سلامة يحكي عن أول لقاء جمعه بعادل إمام: اتخضيت من درجة ذكائه

نهال ناصر | فى حياة المشاهير

شريف سلامة

الاثنين , 9 فبراير 2026 - 10:02 | اخر تحديث: الاثنين , 9 فبراير 2026 - 10:02

استعاد الفنان شريف سلامة ذكريات تعاونه مع النجم عادل إمام في فيلم "مرجان أحمد مرجان" وحكى عن أول لقاء جمعهما.

وقال شريف سلامة خلال لقائه في برنامج "صاحبة السعادة" مع إسعاد يونس: "أنا كنت في مسلسل "حضرة المتهم أبي" وفي نص رمضان الفنان أحمد رزق صديقي جدا وكان بيعمل مسلسل مع أستاذ يوسف معاطي وكلمني وقالي إن أستاذ عادل إمام معجب بيا ومبسوط من المسلسل وبيعمل فيلم جديد، بعدها بيومين لقيت أستاذ عادل إمام بيكلمني".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع متذكرا أول لقاء بينه وبين عادل إمام: " أستاذ عادل كلمني وقالي إنت ممثل كويس وعايزك تجيلي المسرح، روحت قعدت اتكلمت معاه وحصل موقف خلاني انبهرت بيه، كان وقتها فيلم "السفارة في العمارة" لسه نازل في السينما وأنا مشفتوش، وهو قالي أن في حد اشتغل معاه في الفيلم وبيتصل بيه وعايز يشتغل معاه تاني، وسألني أنت شفت فيلم "السفارة في العمارة" قلت له أه، راح بصلي وقالي إنت مشفتوش اتكسفت تقولي، اتخضيت من درجة الذكاء أن من كلمة "أه" بس عرف إني مشفتوش".

شريف سلامة وعادل إمام وبسمة من فيلم مرجان أحمد مرجان

نرشح لك: نادين نسيب نجيم تخطف الأنظار بإطلالتها في عيد ميلادها

وعن كواليس تصوير فيلم "مرجان أحمد مرجان: "إحنا عملنا بروفات ترابيزة ودي أهم شيء في الوجود في أي عمل فني والأستاذ شايف الفيلم من الورق وإحنا بنصور مفيش صعوبة وبنعيش التصوير كأنه واقع".

على جانب آخر، يشارك شريف سلامة في موسم رمضان 2026 بمسلسل "على قد الحب" الذي يجمعه مجددا بالفنانة نيللي كريم.

مسلسل "على قد الحب" بطولة شريف سلامة، نيللي كريم، أحمد سعيد عبد الغني، أحمد ماجد، مها نصار، محمود الليثي، محمد أبو داوود، محمد علي رزق، صفاء الطوخي، راندا إبراهيم، آية سليم، يوسف حشيش، محمود فايز، وهو من تأليف مصطفى جمال هاشم وإخراج خالد سعيد.