التعليق الأول لأحمد سعد بعد تصريحه "أنا اتخدعت في The Voice"

FilFan | فى حياة المشاهير

أحمد سعد في The Voice

السبت , 24 يناير 2026 - 19:25 | اخر تحديث: السبت , 24 يناير 2026 - 22:02

خرج النجم أحمد سعد ليوضح قصده بكيف تعرض للخداع في برنامج The Voice الذي انتهى بفوز جودي شاهين من فريق رحمة رياض.

قال أحمد سعد في رسالة مسجلة: "كل الناس عمالة تسألني من امبارح عشان التصريح اللي انا قولته على ذا فويس واني اتخدعت، انا مش طالع اتكلم على اي حاجة، أنا بكن كل الاحترام على كل القائمين على البرنامج وكل الناس اللي اشتركت من اصغر واحد لأكبر حد، ودا مالوش علاقة خالص بالشخصيات أو بالصناع، أنا بس طالع اتكلم عن نفسي أنا، عني أنا شخصيا".

وتابع أحمد سعد: الناس هتقول ان انا لو كنت كسبت كانت الناس هتقول انا اتخدعت، الموضوع مالوش علاقة بالمكسب والخسارة، كل اللي كسب يستحق، اأنا بتكلم عن الغلطات اللي انا عملتها في حق نفسي وحق جمهوري، زي أحمد عوادي انا بقالي اكتر من شهر بتشتم بس من الجمهوراليمني، كل الحب والتقدير ليهم مع إن في ناس غلطت فيا بشكل غير مقبول، ولكن في النهاية برجع واقول لهم عندكم حق انا غلطت، غلطت في اختيارات كتير جدا مكنش المفروض اعمل كدة.

وأضاف أحمد سعد: محتاج اقول لجمهوري أنا اتخدعت، انا اخترت اختيارات مش كلها بارداتي الكاملة في مناخات وحاجات ماينفعش اقولها واحكيها وليها علاقة بالشغل وأدابيات الشغل، مكنش لي ذنب، ولو اتعاد عليا الزمن الف مرة كان في ناس زي احمد عوادي وناس تانيين، كان ممكن اختارها بشكل انزه بالنسبة لي انا كشخصيتي أنا، واللي حصل حصل، وانا بصراحة مكنش المفروض اشترك في التجربة دي اصلا، التجربة ليها كل الحب والتقدير واد ايه هي عظيمة، بس بتكلم عن شخصيتي انا وحبي للجمهور ومكنتش مناسبة ليا انا واني لازم اظلم حد على حساب حد واقول حاجة على حساب حاجة وإن أطلب حاجة في سياسيات وثقافات اكبر من بساطتي وحبي لجمهوري وشفافيتي مع جمهوري، وعشان كدة بعتذر، ولكن مش بغلط في اي حد ولا بقول على اي حد إنه عمل حاجة غير لائقة او غير قانونية.

يذكر أن أحمد سعد قال خلال مؤتمر صحفي على هامش حفله في الرياض: "بصراحة كل الحب والتقدير لكل صناع The Voice وكل الحب والتقدير لجودي اللي كسبت وأنا مبقولش مين يستحق ومين ميستحقش بس أنا يعني شبه اتخدعت".

وتابع أحمد سعد: "حساباتي مكانتش ماشية بالشكل دا ومكنش التنظيم ماشي بالشكل دا كان بيصب على حاجة معينة، اتخدعت بصراحة ومش هقدر أقول تفاصيل أكتر مش في إيدي".

يذكر أن مسلسل "شراب التوت" يعرض عربيا عبر قناة OSN.