انتصار: ميهمنيش أظهر بشكل حلو في أعمالي .. المهم أقدم الدور صح

محمد سليم | فى سينما وتلفزيون

انتصار في مسلسل فخر الدلتا

الاثنين , 12 يناير 2026 - 23:45 | اخر تحديث: الاثنين , 12 يناير 2026 - 23:45

تحدثت الفنانة انتصار عن مشاركتها في مسلسل "فخر الدلتا" المقرر عرضه في رمضان 2026 على قنوات الشركة المتحدة للخدمات الإعلامية، وتجربة التعاون في عمل من بطولة فنان صاعد وهو الممثل وصانع المحتوى أحمد رمزي، والذي يقدم أول بطولة مطلقة له، بجانب حديثها عن مشاركتها في مسلسل "علي كلاي" بطولة الفنان أحمد العوضي.

وقالت انتصار في مداخلة هاتفية ببرنامج "كلمة أخيرة" مع الإعلامي أحمد سالم على قناة ON: "لما الشركة قالت لي في حد جديد عاوزين نلتف حول التجربة ونطلعها إيه رأيك تقفي جنب المسلسل، قلت لهم طبعا يالا بينا الدور حلو وجميل، وسألوني عندك مشاكل تشتغلي مع حد جديد لأنك بتشتغلي في مسلسلات كبيرة مع نجوم كبار قلت لهم لا خالص أهم حاجة يبقى الدور كويس مع جديد أو قديم، مين بدأ كبير كلنا بدأنا صغيرين وبدأنا بتجربة مشهد أو اتنين أو تلاتة، وفيه ناس وقفت جنبا، وإحنا واجبنا نقف مع اللي بعدنا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

انتصار في مسلسل فخر الدلتا

وعن موهبة أحمد رمزي قالت: "بيتحلى بخفة الظل وعنده سرعة بديهة ودي من صفات الكوميديان وبالنسبة للشغل مجتهد ومركز ودي حاجة مهمة".

انتصار في مسلسل فخر الدلتا

أما عن التعاون مع الفنان أحمد العوضي في مسلسل علي كلاي المقرر عرضه في رمضان قالت: "الحلقة مش هتكفي لو اتكلمت عنه هو مثال للإنسان.. هو إنسان وجدع وعنده رجولة وابن بلد وطيب ويسمع ويحتوي الناس اللي حواليه ودي صفات جميلة فيه كإنسان".

طالع أيضا - ميريام فارس تخطف الأنظار بإطلالتها في حفل زفاف

انتصار في مسلسل فخر الدلتا

حول دورها في مسلسل "علي كلاي" قالت: "بقدم حاجة جديدة والعمل جديد وفيه صراعات أسرية بتدل على الطمع الإنساني داخل العيلة".

بالنسبة إلى خوفها من المقارنة بين أدائها العام الماضي بمشاركتها في "إش إش" و "80 باكو"، قالت: “الناس بتكون مبسوطة وبيقولولي عاوزين حاجة زي "إش إش"، مشيرة إلى أنها تشارك في رمضان بـ 4 مسلسلات.

انتصار في مسلسل فخر الدلتا

أما عن تقديمها لمعظم أدوارها دون مكياج وبشكل طبيعي، كما في مسلسلي 80 باكو وإش إش، فقالت: "من البداية ما كانش شاغلني أبدًا إني أظهر حلوة، أنا بركز في الدور محتاج إيه، اللي بعمله هو الصح، لأن الغلط إن الممثل يقدم الشخصية بفول ميكب لو الدور مش طالب كده، المفروض يقدم الدور زي ما هو".

يذكر أن الفنانة انتصار تشارك في السباق الرمضاني بخمسة أعمال هي "علي كلاي"، "الكينج"، "فخر الدلتا"، "إعلام وراثة"، ومسلسل "عرض وطلب".

اقرأ أيضا:

رمضان 2026 - سوسن بدر في كواليس تصوير "الباء تحته نقطة 2"

حمدي الميرغني وإسراء عبد الفتاح يحتفلان بعيد ميلاد ابنتهما … "لابوبو" و"ستيتش" زينا المكان

ليوناردو دي كابريو وجينيفر لورانس ومايلي سايرس وجوليا روبرتس ضمن الحضور … 26 صورة من حفل جولدن جلوب الـ83

تامر حسين عن شيرين عبد الوهاب: لازم تفضل تحت عين الدولة ... محتاجة رقابة ومنع أى حد يقرب منها

لا يفوتك: للأطفال فوق الـ 20 سنة ... 3 أفلام أنيميشن لازم تشوفهم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5