جيهان قمري باكية: حسيت بالذنب إني سبب وفاة والدي

نهال ناصر | فى حياة المشاهير

جيهان قمري

السبت , 20 ديسمبر 2025 - 14:32 | اخر تحديث: السبت , 20 ديسمبر 2025 - 14:32

تحدثت الفنانة جيهان قمري عن والدها الراحل وقالت إنها كانت تشعر بالذنب وأنها سببا في وفاته.

وحكت جيهان قمري خلال لقائها في برنامج "كلام الناس": "فترة تعب والدي كان في المستشفى وقعدت جنبه، آخر كام يوم الدكتور حس أن خلاص فطلب مننا أن هيبدأ يديله مسكن قوي عشان تعبان ومش قادر ولازم نمضي على إقرار في المستشفى أن هياخد المسكن دا، ماما قالت لأ سيبوه أنا كنت حاسه بوجعه وروحت مضيت على الإقرار، تاني يوم لما أخد المسكن جاتله حاله وتعب وحسيت أن يمكن دا بسبب الجرعة اللي أخدها بعدها بيومين توفى، يوميا المنظر في بالي إني أنا السبب لو كنت موافقتش زي ما ماما رفضت حسيت أن أنا سرعت الموضوع".

تأثر جيهان قمري

وتابعت جيهان قمري: "بس دا ميعاده هو في مكان أحسن من اللي إحنا فيه دلوقتي وأنا مبسوطة أنه مرتاح وبحس إنه بيضحكلي".

نرشح لك: بررت خيانة فاروق الفيشاوي لها وانفصلت عنه بسبب الإدمان وندمت على عدم الاعتراف بحفيدتها وعانت من السرطان لسنوات … 24 معلومة عن سمية الألفي

وأوضحت جيهان قمري أن وفاة والدها كانت سببا في ابتعادها عن الوسط الفني قائله: "في فترة بعدت مكنتش قادرة اشتغل كنت مش قادرة نفسيا وجسديا، الموضوع حصل فجأة هو أه كان عيان لكن مش لدرجة أنه يسيبنا في 15 يوم الموضوع حصل وهزني جامد ومكنتش مهيأة نفسيا، هو كان بيتعالج وفي خطوات بنعملها لكن فجأة في يوم وليلة".

وعن طريقة تجاوزها لمحنة وفاة والدها قالت جيهان قمري: "سافرت أوروبا وبقيت أمشي في الشوارع مع نفسي عشان أطلع من الحالة ناس معرفهاش ومحدش يعرفني فبمشي براحتي أعيطت قعدت أسبوع بمشي في الشوارع يا أضحك واتعرف على الناس يا أقعد في أي حتة أعيط، قعدت أسبوع بعيد حساباتي في الدنيا، رجعت حاسه إني عملت غسيل دماغ وقلب، حسيت إني لازم أرجع أنا لأني بضيع حياة اللي حواليا لأنهم مشغولين عليا".
اقرأ أيضا:

حصاد 2025 - 7 مسلسلات مصرية أضحكت الجماهير ... "أشغال شقة جدا" و"كارثة طبيعية من بينهم

أحمد السعدني وكريم محمود عبد العزيز وعلي ربيع وشيرين وأحمد السبكي في عزاء شقيقة عادل إمام

فيديو - ياسر جلال داخل المدبح من كواليس "كلهم بيحبوا مودي"

فيديو - هشام ماجد يحير جمهوره بمفاجأة "اللعبة 5" شبيه مصطفى غريب

لو فاتك: وداعا سمية الألفي .. صاحبة قصة حب معرفهاش الوسط الفني قبل كده