ياسمين عز تهاجم محمد صبحي: إلزم حدودك

نهال ناصر | فى حياة المشاهير

ياسمين عز محمد صبحي

السبت , 20 ديسمبر 2025 - 13:17 | اخر تحديث: السبت , 20 ديسمبر 2025 - 13:17

هاجمت مقدمة البرامج ياسمين عز خلال برنامجها "كلام الناس" الفنان محمد صبحي بعد تصريحاته التي انتقد فيها فيلم "الست".

وقالت ياسمين عز: "لو عايز تقول رأيك الفني قول وعايز تقول رأيك اللي مش فني برضو قول لكن أنك تتجاوز أو تتطاول أو تتعدى حدودك هو دا اللي مش مقبول، محمد صبحي لما تيجي تتكلم عن بلد شقيق، بلد عظيم، بلد كريم زي السعودية تلزم حدودك، وتلتزم بالآداب العامة والأخلاق والقيم العامة اللي اتربينا عليها أو اللي أنت كمان بتتكلم عنها وتتغنى بيها طول الوقت".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ياسمين عز: "تلزم حدودك وتعرف بتقول إيه وأنت بتتكلم عن أطهر بقاع الأرض، الأرض اللي بيرقد فيها محمد عليه الصلاة والسلام، أرض بيت الله الحرام، تتكلم عن أرض الرسول وأرض الإسلام، تلزم حدودك وتضبط نفسك وتعرف بتقول إيه ومبتقولش إيه لأنه عيب وسقطة قوية في تاريخك كله لما تغلط غلطة كبيرة زي دي".

نرشح لك: بررت خيانة فاروق الفيشاوي لها وانفصلت عنه بسبب الإدمان وندمت على عدم الاعتراف بحفيدتها وعانت من السرطان لسنوات … 24 معلومة عن سمية الألفي

محمد صبحي ومنى زكي

وأكملت: "خليك شريف في خصومتك كفاية محاولات بائسة ويائسة للفت الانتباه والتشتيت عن قصة السواق فنعمل إيه منلقيش حاجة نداري بيها فنصدر فتنة ونوقع شعبين في بعض عشان ننسى السواق، المسكين اللي كان بيجري وراك ولا عبرته، لا إحنا صاحيين، فيلم بقاله شهرين بيتهاجم اشمعنى قررت تتحفنا برأيك بعد مشكلة السواق المسكين مأتحفتناش بهذا الرأي العظيم ليه قبل موضوع السواق لا اسكت الله لك حسا مسمعناش حسك ليه إحنا حابين نطمنك أننا مش هننسى موضوع السواق".

وكان الفنان محمد صبحي قال في مداخلة هاتفية ببرنامج "حضرة المواطن" عن فيلم "الست": "أنا كممثل لما يجيلي فيلم ولا مسرحية قد تكون عظيمة وبارعة ولكنها مخالفة للحقيقة لا يمكن أعملها، بلوم على تلميذتي وحبيبتي منى زكي اللي أنا بفتخر بيها أن تقع في مثل هذه الوقيعة".

وأكمل محمد صبحي: "أنا يهمني مصر تبقى عظيمة لكن لا يشغلني أن أسقط دولة أو وطن، هناك مؤامرة كبيرة على مصر، غير المؤامرات اللى إحنا عارفينا من أعدائنا، فى مؤامرات لضرب الفن المصري وضرب أسطورة الريادة المصرية، الريادة المصرية ده تاريخ، مش عايزين نكسر، إحنا الأوائل لأنها حقيقة تاريخية".