شيرين عبد الوهاب تطمئن جمهورها وتهدد مروجي الشائعات

نهال ناصر | فى حياة المشاهير

شيرين عبد الوهاب

الثلاثاء , 16 ديسمبر 2025 - 22:12 | اخر تحديث: الثلاثاء , 16 ديسمبر 2025 - 22:12

طمأنت الفنانة شيرين عبد الوهاب جمهورها عليها بعد انتشار شائعات عن تدهور حالتها الصحية وتواجدها في مصحة للعلاج.

وكتبت شيرين عبد الوهاب في رسالة لجمهورها نشرتها عبر حسابها على Instagram مؤكدة أن كل ما يقال عنها غير صحيح وأنها ستتخذ الإجراءات القانونية ضد مروجي الشائعات.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت شيرين عبد الوهاب: "جمهوري الحبيب الغالي في جموع الوطن العربي أنا بخير الحمد لله وفي بيتي وكل الكلام اللي بيتم ترويجه على صفحات السوشيال ميديا عن تدهور حالتي الصحية كلام غير صحيح وجاري اتخاذ الإجراءات القانونية ضد مروجي هذه الإشاعات السخيفة".

نرشح لك: أحمد السقا وكريم محمود عبد العزيز وعبير صبري وأحمد فهمي من بينهم … حالات انفصال النجوم في 2025

شيرين عبد الوهاب

على جانب آخر، كان انتشر خلال الفترة الماضية تسجيل صوتي لشيرين عبد الوهاب تنفي فيه شائعة اعتزالها.

وقالت: "أهلا بيكوا يا حبايب قلبي أنا وصلني أن أنا بعتزل وأنا مودي مش حلو، أنا كويسة جدا وبحضر مفاجأت مختلفة وجديدة هتفرحوا بيها أوي هغنيلكم بس من أماكن مختلفة هفضل أغني لحد ما أموت مفيش اعتزال الاعتزال هو الموت".

وتابعت شيرين عبد الوهاب: "طول ما أنا عايشة أنا بغني وبحبكم وواصلي حبكم وأنا عايشة بيه وليه واطمنوا عليا أنا مش بستسلم أبدا أه في حاجات جامدة جدا بتحصلي من أقرب الناس ليا مش محاربات لا تكسير وقتل بس أنا جامدة وربنا معايا ومقويني".

واختتمت شيرين عبد لوهاب كلامها: "أنا بتاعتكم أنتم وعايشة عشانكم أنتم اطمنوا يا حبايب قلبي واستنوا الحاجات الجديدة اللي نازله وبحبكم قد الدنيا وأكتر أنتوا الدنيا بالنسبالي ".