محمد رمضان: اللي بيكرهني بيشوف خطواتي بتقزمه

نهال ناصر | فى حياة المشاهير

محمد رمضان

الثلاثاء , 16 ديسمبر 2025 - 21:27 | اخر تحديث: الثلاثاء , 16 ديسمبر 2025 - 21:27

رد الفنان محمد رمضان على سؤال الإعلامي الإماراتي أنس بوخش عن سبب كره بعض الناس له.

وقال محمد رمضان خلال لقائه في برنامجABtalks: "والله أنا مبشوفش حد بيكرهني، بالعكس الجمهور بتربطني بيه علاقة نادرة مش بتحصل بين فنان وجمهور كتير، ممكن يكون بعض الناس اللي مثلا خطواتك بدون ما تشعر تؤذيهم، أحيانا بتكون بتعمل خطوات في مجالك بتقزم زمايل ليك في نفس المجال، من دون ما أنت تشعر".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد رمضان: "أنا مقصدش أن أعمل دا عشان أنت تحس أن إيه دا هو بيكشفني دا أنا كنت بقول للناس إن أنا أشهر واحد، فالناس تبدأ تتسأل طيب هو ليه مختاروكش فيبقى فاكر أن أنت بتعمل دا عشان الناس تقول طيب هو ليه مجابوش فلان هو مشهور عندنا إحنا بس، دا مش بيجي في دماغي أنا باخد خطوات كل خطوة بتشاور على الخطوة اللي بعدها".

نرشح لك: أحمد السقا وكريم محمود عبد العزيز وعبير صبري وأحمد فهمي من بينهم … حالات انفصال النجوم في 2025

محمد رمضان

وأكمل محمد رمضان: "أنا بوصل لمرحلة بيبقى تركيزي إيه الخطوة اللي بعدها، مش مثلا بعد ما حسيت أني في مصر نجم وعندي جمهور فكرت في أفريقيا، محصلش والله كان كل طموحي إني أكون بنفس الشهرة والحب والتقدير في دولنا العربية يعني هل ممكن في الإمارات بس دي أصعب دول بيجولهم نجوم العالم فمبينبهروش طيب إزاي تعرف تكسب الجمهور، إزاي أعرف اكسب الجمهور السعودي اللي الأجيال الشباب متعلمين برا وبيحضروا حفلا لـ "دريك" و"ترافيس سكوت" وبيشوفوا الأفلام العالمية قبل ما تنزل الوطن العربي فكان لازم أفكر في استراتيجي إيه اللي أصدره عشان الجمهور دا يبدأ يحس أنك نجم ميبصلكش نظرة دونية مقارنة بالنجوم الغرب".

على جانب آخر، ينتظر محمد رمضان عرض أحدث أفلامه السينمائية فيلم "أسد".

فيلم "أسد" من إخراج محمد دياب، وتأليف شيرين دياب، ومحمد دياب، وخالد دياب، وتصوير أحمد بشاري، وديكور أحمد فايز، وتصميم الملابس ريم العدل، ومونتاج أحمد حافظ. ويتولى الموسيقى التصويرية للفيلم هشام نزيه، وتصميم المعارك للعالمي Kaloyan Vodenicharov، وتيزر ماركوس عريان، وبوستر كريم آدم، الفيلم من إنتاج شركة Good Fellas Media Production، بالتعاون معBig Time Fund وScoop Egypt Production . التوزيع من خلال شركة Empire Entertainment في الوطن العربي، مع شريك AFD في مصر.

يشارك في بطولة الفيلم محمد رمضان، واللبنانية رزان جمال، وعلي قاسم، وماجد الكدواني، والسودانية إسلام مبارك، وأحمد داش، والفلسطيني كامل الباشا.