أحمد السقا: أنا مش مختل عشان أخاطب إدارة ليفربول ... مش عايزني ارموني في الزبالة

مي جودة | فى حياة المشاهير

أحمد السقا

السبت , 13 ديسمبر 2025 - 23:19 | اخر تحديث: الأحد , 14 ديسمبر 2025 - 01:39

أبدى النجم أحمد السقا استياؤه من سخرية رواد مواقع التواصل الاجتماعي من الفيديو الذي نشره بالأنجليزية ووجهه لإدارة نادي ليفربول لدعم النجم المصري محمد صلاح بعد تواجده لأكثر من مباراة على دكة البدلاء.

وأضاف أحمد السقا: "لقيت الرياضة دخلت في الدين والسياسة، وطبعا خدتني الجلالة وعز الدين أيبك اللي جوايا طلع، عملت فيديو أدعم فيه ابننا محمد صلاح، ووجهت رسالة بالإنجليزية يمكن يكون خاني التعبير، لكن كلمة كوتش صحيحة وعندهم محمد صلاح جوا الملعب كوتش"، حسب تصريحاته لبرنامج "الحكاية" الذي يقدمه الإعلامي عمرو أديب.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أحمد السقا: اللي قولته بالإنجليزي قعد 55 دقيقة مش انا اللي مسحته، واستخدمت كلمة ميجا ستار لأن عندهم كدا وبنتقدم عندهم برا كده.

قال أحمد السقا: "أنا مش مختل عشان أخاطب مجلس إدارة نادي ليفربول، أنا مستغرب من الهجوم والإهانة هو أنا عملت إيه؟! أنا ممكن بكره الصبح أبطل تمثيل وأقطع كارنيه النقابة، لو مش عايزيني إرموني في الزبالة... أنا صفحاتى موجودة على مواقع التواصل لكن عملت (لوج أوت) من كل الحسابات، الله يسامحهم، واللى شاتمنى أنا مسامح، وحقي عند الله، بس ياريت كل واحد يراجع نفسه".

واستطرد السقا: أنا يتعمل معايا كده ليه .. صعبت عليه نفسي 6 ساعات الواحد اتنشر عرضه، يتعمل معايا كده لي ماشي أنا مش ميجا ستار ولا حاجة، وأقل من أقل أي حد في العالم، الناس طلعت توجهلي إهانة ليه ؟ .. أقل إهانة عقابها 3 سنين سجن، وقسما بالله ما هقدم بلاغات ولا هاذي حد، وأنا مسامح.

اقرأ أيضا:

رامي إمام يكشف سبب اعتذاره عن إخراج مسلسله مع يسرا لرمضان 2026

محمد رمضان يعلق لأول مرة على ملابسه في حفل كوتشيلا - فيديو

نجوم مصر وهوليوود وبوليوود يجتمعون في حفل ختام مهرجان البحر الأحمر

جوني ديب ويسرا وكارول سماحة والنجوم يلتقون في حفل ختام مهرجان البحر الأحمر السينمائي

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5