ياسمين عبد العزيز: محدش يقدر يكسرني!

محمد سليم | فى سينما وتلفزيون

ياسمين عبد العزيز

الجمعة , 12 ديسمبر 2025 - 01:04 | اخر تحديث: الجمعة , 12 ديسمبر 2025 - 01:04

نفت الفنانة ياسمين عبد العزيز الأخبار التي تتعلق بارتباطها مؤخرا، مؤكدة على أنها سعيدة حاليا بكونها غير مرتبطة.

وقالت ياسمين عبد العزيز خلال حلولها ضيفة على برنامج "معكم منى الشاذلي"، مساء الخميس، المذاع عبر شاشة "ON"، مع الإعلامية منى الشاذلي، ردا على الشائعات المتداولة حول ارتباطها: "أكتر حاجة دلوقتي مركزة فيها، ولادي والشغل، كل شوية بيطلعوا حاجة، لو اتصورت مع الدكتور بتاعي، يقولوا بيني وبينه حاجة، طول الوقت كده".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ياسمين عبد العزيز

أضافت: "فعادي طلعوا، هما عايزين يشوفوا لي حد وخلاص، أنا في 2025 مبسوطة كده والله".

كما أشارت إلى أنها شعرت بالندم خلال الفترة الأخيرة على الكثير من الأشياء، متابعة: "ندمت على حاجات كتير، مش عيب.. الواحد لما يقول ندم على حاجة ده قوة مش ضعف".

طالع أيضا - أروى جودة ودرة ومي عمر من بينهم ... مهرجان البحر الأحمر يختتم فعالياته بحضور النجوم

ياسمين عبد العزيز

أضافت: "ندمت على إني مكنتش بقول لأ وإني كنت جدعة قوي، مش أي حد تبقي جدعة معاه، اتعلمت كتير وخدت دروس".

ولفتت إلى أنها كانت تتعامل دوما بقلبها، ولكن قررت في 2025 أن يعمل عقلها مع القلب حتى لا تتعرض للصدمات، مضيفة: "كنت بتعامل بقلبي مع الكل وطول الوقت باخد خبطات".

ياسمين عبد العزيز

وفيما يتعلق بعدم شعور الناس بما تمر به ياسمين عبد العزيز من صدمات، أوضحت: "أنا بقوم وبشتغل وبكمل، الواحد لازم يبقى قوي.. ربنا بيحب المؤمن القوي مش الضعيف.. الحياة دي مينفعش فيها حد يبقى ضعيف، ممكن في موقف أنهار في ساعتها على حسب الموقف وخلاص، مينفعش أكمل فيه".

وأكملت: "أنا عندي ولاد لازم يشوفوا أمهم طول الوقت قوية، وعندي جمهوري وشغلي.. محدش يقدر يكسرني، أنا مبتكسرش".

ياسمين عبد العزيز

من ناحية أخرى، تواصل ياسمين عبد العزيز تصوير مسلسل "وننسى اللي كان"، من تأليف عمرو محمود ياسين وإخراج محمد حمدي الخبيري، ويشارك في بطولته إلى جانب ياسمين عبد العزيز وكريم فهمي كل من إنجي كيوان، خالد سرحان، ومنة فضالي، ومحمد لطفي، لينا صوفيا، ومن المقرر عرض المسلسل ضمن السباق الرمضاني (2026) على قنوات إم بي سي.

اقرأ أيضا:

نيللي كريم ولبلبة وأروى جودة في العرض الأول لفيلم "جوازة ولا جنازة" في مهرجان البحر الأحمر السينمائي

تكريم هند صبري في "جولدن جلوب" بمهرجان البحر الأحمر السينمائي ... ودرة وريز أحمد بين الحضور

الرئيس السيسى يوجه برعاية كبار الفنانين ... ونقابة المهن التمثيلية تعلق

شمس: عشت مع طليقي بعد الطلاق ... الرحمة قبل الطلاق والجواز

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5