آسر ياسين يرد على انتقادات تصريح "الفراخ والجمبري": أنت متعرفش تفرق أصلا بينهم

نهال ناصر | فى حياة المشاهير

آسر ياسين

السبت , 29 نوفمبر 2025 - 19:11 | اخر تحديث: السبت , 29 نوفمبر 2025 - 19:11

رد الفنان آسر ياسين على الانتقادات والتعليقات السلبية التي كتبت عبر مواقع التواصل الاجتماعي بعد لقائه في بودكاست "حوارات مع عباس" مع الفنان عباس أبو الحسن وحديثه عن الصعاب التي واجهها في بداياته الفنية.

وأوضح آسر ياسين أن ما نشر عبر مواقع التواصل الاجتماعي هو جزء من حديثه فقط، وأن هذا الأمر أصبح رائجا بسبب صفحات تبحث عن التريند.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقال آسر ياسين خلال لقائه مع ET بالعربي: "للأسف في دلوقتي صفحات كتيرة جدا بتمسك جزء من الانترفيو وتلخصه في جملة معينة ويبتدي يتحور منها الموضوع، الناس بتتكلم عن "الفراخ والجمبري" ومعندوش غير دا كمعاناته يعني، شكرا للناس اللي اختصرت دا كله في الحتة دي بس مش دي الرسالة ورا الموضوع دا ووالله لو كانت معاناتي "فراخ وجمبري" يبقى أنا محظوظ جدا بس برضو مش دا اللي كنت بقوله خالص وأنت مدوقتش الفراخ والجمبري اللي أنا قلتهم متعرفش تفرق أصلا بين الفراخ والجمبري".

نرشح لك: أحمد السقا وسمية الخشاب وإيهاب فهمي وجومانا مراد ولطيفة ضمن المكرمين بملتقى التميز والابداع العربي

وتابع آسر ياسين: "الحمد لله على كل شيء، أتمنى الناس تشوف الانترفيو وتقيم هي بنفسها بعيدا عن فكرة أننا نلخص الحاجات، ودا مش بيحصل معايا أنا بس بيحصل مع الناس كلها".

آسر ياسين

واختتم آسر ياسين حديثه: "عشان الناس تبقى عارفة في صفحات كتيرة جدا مبنية على "ترافيك" أن هو يمسك حاجة من أي انترفيو ويبتدي يحورها بشكل ما عشان يعمل فلوس الموضوع بالنسبة ليا فاسد، اللي عايز يمشي مع دا يمشي واللي عايز يسمع الانترفيو يسمع".

View this post on Instagram

A post shared by ET بالعربي (@etbilarabi)

وكان آسر ياسين حكى خلال لقائه بـ"حوارات مع عباس" عن بداياته الفنية قائلا: "أنت رايح لوكيشن تصوير ومحدش يعرف عنك أي حاجة وفاكر أنك هتبقى عمر الشريف اللي جاي، في أوضة فيها 15 واحد كلنا قاعدين اللبس بيترمي كده قدامك ألحق ألبس محدش عرفك لسه، طيب أنا عايز أكل في البريك تروح تقف على عربية البريك ويقولك في "جمبري أو فراخ" وبعدين تطلب جمبري ويقولك مفيش غير فراخ".