محمد صبحي: أبويا طردني من البيت لما قولت هدخل معهد تمثيل وأوصى بسقوطي

محمد سليم | فى سينما وتلفزيون

محمد صبحي

الأربعاء , 26 نوفمبر 2025 - 00:11 | اخر تحديث: الأربعاء , 26 نوفمبر 2025 - 00:11

كشف الفنان محمد صبحي عن ذكريات رغبته في دراسة الفن ورفض والده لذلك في بداية مشواره، قائلاً: "لما دخلت ثانوية عامة قررت أدخل معهد تمثيل، فتفاجأت بطرد والدي لي من البيت. قلت خلاص هاعتمد على نفسي وهصرف على نفسي، لأنه كان يرى الوسط الفني، وكان يعمل فيه، وكانت وجهة نظره: من أنت بجانب يوسف وهبي؟ وكنت عاوز أنجح."

وتابع خلال لقائه ببرنامج "الصورة" الذي تقدمه الإعلامية لميس الحديدي على شاشة النهار: "التحقت بالمعهد بالغصب، وتفاجأت بتوصية من والدي بسقوطي، وكل الأساتذة تلامذته، سعد أردش وجلال الشرقاوي ونبيل الألفي، قال لهم يسقط".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمد صبحي

وواصل: "مكنش عاوزني أدخل الوسط. وسعد أردش سألني: اسمك إيه؟ قلت له: محمد محمود. قال لي: محمد محمود إيه؟ ومعملتش أي مشهد كوميدي في المعهد إلا وقت التخرج".

محمد صبحي

وأردف: "سألني: أبوك بيشتغل إيه؟ قلت: ساعي. سألني: أبوك اسمه إيه؟ خوفت أسقط. حتى قال لي محمد توفيق: شايف السلم ده؟ عاوزك تمثل إنك طفل طالع وعمرك خمس سنين، ومرة تانية وأنت عندك خمس وعشرين سنة، وبعدين وإنت عندك تمانين سنة".

طالع أيضا - #شرطة_الموضة: ليلى أحمد زاهر تستعرض حقيبتها الكبيرة من الكروشيه … سعرها 113 ألف جنيه

محمد صبحي

واستكمل: "قلت كده عاوزين يتسلوا عليّ، وأنا كنت عندي عزة نفس كبيرة، فطلعت السلم بسن خمس سنوات، ونزلت بسن 25 سنة، وبعدين حطيت رجلي على السلم ووقفت، وكلهم ساكتين وقالوا لي: إحنا هنستناك ساعة؟ إطلع يابني؟ قلت لهم: مش قادر. لقيت اللجنة كلها 13 عضو بيصفقوا ونجحت".

واختتم: "طلبت من ربنا في كل صلاة إني مكنش أعظم ممثل، لكن قلت: يارب أبقى مختلف بس".

اقرأ أيضا:

رمضان 2026- إنجي كيوان تنضم لـ"وننسى اللي كان" مع ياسمين عبد العزيز وكريم فهمي

تامر هجرس ينضم لفيلم "عيلة دياب ع الباب" مع محمد سعد

كمال أبو رية يكشف عن شخصية يتمنى تقديمها في عمل فني

محمد فراج عن مشهد القتل في "ورد وشوكولاتة": كنت شايل همه أوي

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5