أحمد سعد عن حفله الأول بعد الحادث: كنت بنهار

نهال ناصر | فى حياة المشاهير

أحمد سعد

الاثنين , 24 نوفمبر 2025 - 14:11 | اخر تحديث: الاثنين , 24 نوفمبر 2025 - 14:11

تحدث الفنان أحمد سعد عن كواليس أول حفل له بعد حادث السير الكبير الذي تعرض له.

وقال أحمد سعد في لقاء مع ET بالعربي: "كنت بنهار والدكاترة جالهم انهيار عصبي مني".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أحمد سعد: "أنا أصلا ازاي أقول أنا طالع عندي حفلة وهما أصلا بيفكروا إزاي أدخل الحمام مش قادر اتحرك".

نرشح لك: فيديو - الإعلامي أحمد الهواري: شيرين عبد الوهاب تستعد للعودة لجمهورها بمفاجأة سعيدة وكبيرة

واختتم أحمد سعد كلامه قائلا: "العين صابتني ورب العرش نجاني الحمد لله، شفت من الناس حب أكتر حاجة عجبتني".

View this post on Instagram

A post shared by ET بالعربي (@etbilarabi)

وكان أحمد سعد كشف تفاصيل حالته الصحية في مداخلة هاتفية مع الإعلامي عمرو أديب ببرنامجه "الحكاية" وقال: "الحمد لله في نعمة والنعمة الأكبر حب الناس اللي شفته حاجة بصراحة يعني مش قادر أقول إيه يعني أنا عملت إيه في حياتي عشان أشوف الحب دا كله، بشكر كل الناس حبايبي وأصحابي وجمهوري وكل الناس اللي وقفت جنبي وقالت كلام حلو أنا سعيد جدا الناس فعلا بيبان حقيقتهم في الشدة".

وتابع أحمد سعد: "الدكاترة بتقول لازم أقعد 5 أيام في المستشفى بس أنا بقول يومين لأن الواحد دكتور نفسه بس كل الحفلات والأفراح اتأجلت لأني عندي مشكلة في المشي، والدكاترة قالوا الكسر اللي في الفقرات مش محتاج جراحة لكن محتاج راحة تامة".

أحمد سعد

وأكمل أحمد سعد: "أنا بطمن الناس وبقولهم الحمد لله كويس وفي نعمة كبيرة أوي منبصش على الحاجة الوحشة إني حصلي حادثة نبص إني طلعت منها كويس الحمد لله ربنا فداني أنا بشكر ربنا وبحمد ربنا، وبقول للجمهور إني موجود ويوم الجمعة الجاية إن شاء الله يكون عندي حفلة أينعم مش هتنطط بس هشوف الناس".

وأعلن خبر تعرض أحمد سعد لحادث سير، شقيقه الفنان عمرو سعد وكتب عبر صفحته على Facebook: "عذرا لكل الزملاء والإعلاميين لصعوبة التواصل حاليا وشكرا للاهتمام الكبير، أحمد سعد إن شاء الله هيكون بخير بعد تعرضه لحادث سير صعب قدر الله وما شاء فعل، دعواتكم لينا".

اقرأ أيضا:

إحداها بتصميم العقرب ... غادة عبد الرازق تستعرض كواليس جلسات تصوير بأربع إطلالات مختلفة

محمد منير وويجز يحتفلان بإصدار أغنيتهما "كلام فرسان"

فيديو - صراع ينتهي بالطلاق بين كريم محمود عبد العزيز ودينا الشربيني في تيزر فيلم "طلقني"

ابنة محمد رحيم تحيي الذكرى الأولى لوفاته برسالة مؤثرة: فقدت روحي لما انت مشيت

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5