فيديو - الإعلامي أحمد الهواري: شيرين عبد الوهاب تستعد للعودة لجمهورها بمفاجأة سعيدة وكبيرة

محمد سليم | فى موسيقى وحفلات

شيرين عبد الوهاب

الاثنين , 24 نوفمبر 2025 - 00:11 | اخر تحديث: الاثنين , 24 نوفمبر 2025 - 00:11

كشف الإعلامي أحمد الهواري عن أن النجمة شيرين عبد الوهاب تستعد للعودة لجمهورها بمفاجأة سعيدة وكبيرة.

وقال أحمد الهواري في مداخلة هاتفية مع برنامج "كلمة أخيرة"، الذي يقدمه الإعلامي أحمد سالم عبر قناة ON: "شيرين في تحسن كبير أوي، بدأت مشاريع كتير ومش عايزة تطلع غير لما تكون خلصتها، ومركزة في شغلها مفيش أي حاجة معطلاها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

شيرين عبد الوهاب

وأضاف أحمد الهواري: "كنا بنحاول نوصل لشيرين وهي تطلع تتكلم، عشان مانبقاش بننفي الشائعات بمجرد خبر أو تصريح، والموزع الكبير توما ساعدنا نتواصل مع شيرين وكان همزة الوصل".

وردا على سؤال ما حقيقة ما يتردد عن تعرض شيرين لمشاكل ومضايقات من شخصيات قريبة منها، قال أحمد الهواري: "المشاكل حقيقية بس هي بدأت تبعد عنها وعايشة للشغل بس، وبعدت عن كل المشاكل وكل الناس، ومركزة مع فريق عملها من الشعراء والموزعين والملحنين".

طالع أيضا - إحداها بتصميم العقرب ... غادة عبد الرازق تستعرض كواليس جلسات تصوير بأربع إطلالات مختلفة

شيرين عبد الوهاب

وتابع: "شيرين بتحضر مفاجأة كبيرة جدا وسعيدة لكل الوطن العربي، وهتبقى عودة قوية بعد المشاكل، لأن معندناش بديل عن شيرين عبد الوهاب".

كما رد أحمد الهواري على سؤال الإعلامي أحمد سالم هل تعافت شيرين بشكل كامل قائلا: "هي مكانش عندها حاجة عشان تتعافى، كان عندها حالة اكتئاب من المشاكل".

شيرين عبد الوهاب

يأتي ذلك بعد تداول تسجيل صوتي منسوب لشيرين عبد الوهاب عبر صفحات محبيها وداعميها عبر مواقع التواصل الاجتماعي، نفت فيه الأخبار المنتشرة عن اعتزالها.

وقالت شيرين: "أهلا بيكو يا حبايب قلبي أنا وصلني أن أنا بعتزل وأنا مودي مش حلو، أنا كويسة جدا وبحضر مفاجآت مختلفة وجديدة هتفرحوا بيها أوي هغنيلكم بس من أماكن مختلفة هفضل أغني لحد ما أموت مفيش اعتزال الاعتزال هو الموت".

شيرين عبد الوهاب

وتابعت شيرين عبد الوهاب: "طول ما أنا عايشة أنا بغني وبحبكم وواصلي حبكم وأنا عايشة بيه وليه واطمنوا عليا أنا مش بستسلم أبدا آه في حاجات جامدة جدا بتحصلي من أقرب الناس ليا مش محاربات لا تكسير وقتل بس أنا جامدة وربنا معايا ومقويني".

واختتمت شيرين عبد لوهاب كلامها: "أنا بتاعتكم أنتم وعايشة عشانكم أنتم اطمنوا يا حبايب قلبي واستنوا الحاجات الجديدة اللي نازله وبحبكم قد الدنيا وأكتر أنتو الدنيا بالنسبالي ".

ويأتي ذلك بعد انتشار أخبار خلال الفترة الماضية عن تواجد شيرين عبد الوهاب في أحد المستشفيات الكبرى في إحدى الدول الأوروبية للخضوع لرحلة علاج نفسي بسبب الأزمات التي مرت بها مؤخرا.

اقرأ أيضا:

بدأها بـ"نفسى ابقي جنبه" ... ليلة غنائية ساهرة لـ محمد حماقي بين طلاب الأكاديمية البحرية

في تسجيل صوتي منسوب لها- شيرين عبد الوهاب تنفي اعتزالها: هفضل أغني لحد ما أموت

ياسمين رئيس تقدم مسلسل "اسأل روحك" في رمضان 2026

وفاة الإعلامية ميرفت سلامة بعد صراع مع السرطان

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5