ابنة محمد رحيم تحيي الذكرى الأولى لوفاته برسالة مؤثرة: فقدت روحي لما انت مشيت

نهال ناصر | فى حياة المشاهير

ماس ووالدها محمد رحيم

الأحد , 23 نوفمبر 2025 - 10:11 | اخر تحديث: الأحد , 23 نوفمبر 2025 - 10:11

أحيت ماس محمد رحيم ابنة الملحن الراحل محمد رحيم ذكرى وفاة والدها الأولى والتي تحل اليوم 23 نوفمبر.

ونشرت ماس رحيم صورة لها مع والدها من طفولتها وصورة لقبره وكتبت رسالة مؤثرة عبر حسابها على Instagram.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت ماس محمد رحيم: "فكرت كتير في الكلام الي نفسي أقوله النهاردة واللي عارفة كويس أوي إنه هيوصلك وهتحس بيا عشان اللي بيني وبينك مكانش وعمره ما هيكون في الأرض وانتهى عليها وبس يمكن بقالي 3 شهور بحاول أجمع كلامي وبقالي سنة بحاول أصدق".

نرشح لك: روبي تلفت الأنظار بـ نيو لوك في أحدث حفلاتها

وتابعت ماس محمد رحيم: "أنا بقيت أدور عليك في تفاصيل عمري ما كنت باخد بالي منها في العادي، بدور على صوتك في كلامي وملامحك في مرايتي وفي وشوش إخواتي وأهلنا، كل ما بتوحشني يا بابا بتفرج عليهم وبشوفك فيهم. كل كلامك يهمني وأي حاجة كانت بتيجي في بالك ولو ثانية كانت بتشغل تفكيري ويمكن عشان كدا أنا مش بنسى، أنا كنت بشوف حركاتك وتعبيراتك ومش بعيوني وخلاص انت ليك مكان خاص جوا قلبي".

وأكملت ماس محمد رحيم: "وكل ما أفتكر ذكرياتنا وأرجع للماضي، من كتر إحساسي بيك بحس أن اللحظة لسه عايشة وإن في بعد تاني أنا وانت وهارتي قاعدين سوا في المكتب بنضحك بليل على حاجه مفيش حد هيفهمها لو سمعونا، أو لسا بنتمشى في الشارع وانت بتغني بصوت عالي عشان أنا وهارتي نضحك ونتكسف وانت تضحك على رد فعلنا".

ماس في طفولتها مع والدها

واختتمت ماس محمد رحيم رسالتها: "أنا فقدت روحي ونفسي وإحساسي وإدراكي وشغفي لما انت مشيت ولكن كل مرة بفتكرك فيها والله والله بيرجعولي تاني، ولو حد عايزني في حاجة بجد يحلفني بعيونك، ذكرى أليمة وبتوجعني وبتحطمني ولكن كفاية عندي إني بفتكرك انت، ورب العالمين رزقني بيك وخلاني بنتك وخلى حبك في قلبي كبير كدا عشان توحشني أوي أوي أوي أوي كدا. ادعوا لقلبي بالرحمة والمغفرة".