شريهان بعد مشاركتها في افتتاح المتحف المصري الكبير: عاوزة أصلي بقية عمري شكرا وامتنانا لله على هذا التتويح والشرف

مي جودة | فى حياة المشاهير

شريهان

الأحد , 2 نوفمبر 2025 - 03:25 | اخر تحديث: الأحد , 2 نوفمبر 2025 - 03:30

كشفت النجمة شريهان عن شعورها بعد المشاركة في حفل افتتاح المتحف المصري الكبير الذي أقيم مساء السبت الأول من نوفمبر.

قالت شريهان: "الشرف، كل الشرف لي، ما فيش أعظم من النهارده، ده تتويج لعمري ومسيرتي. أنا فخورة وسعيدة، وكنت مع أبطال مصريين عظام محمد سعدي، وهشام نزيه، ومازن المتجول، والمايسترو هاني أباظة، مش عاوزة أنسى أي حد، لأنهم جميعًا عظماء"، حسب تصريحاتها لبرنامج "صورة" الذي تقدمه الإعلامية لميس الحديدي عبر شاشة "النهار".

افتتاح المتحف المصري الكبير

وتابعت شريهان: مش عارفة ألمّلم مشاعري شريهان دلوقتي عاوزة تصلي بقية عمرها شكرًا وامتنانًا لله، شكر له على هذا التتويج وهذا الشرف، لأنه شرف ما بعده شرف، على أرض بلدي.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت شريهان: المتحف المصري الكبير حدث عظيم، إيه الحدث العظيم والعالمي ده؟! الكل أتقن فيه أنا مصرية وأنتمي وأتشرف بانتمائي لأقدم شعب في التاريخ، وأول حضارة، وأول جيش نظامي على وجه الأرض، وأول دولة في العالم لها تاريخ. الجمل دي قلب شريهان هو اللي كتبها.

افتتاح المتحف المصري الكبير

وتحدثت شريهان عن فستانها في الحفل، قائلة: "أول ما تشرفت باختياري في هذه المناسبة العظيمة، قعدت أفكرـ مين اللي ممكن اسمه يتحط جنب الحضارة المصرية؟ ومين ممكن ألبس من عنده وأكون فخورة وسعيدة؟ ومن يليق بمصر وتليق به مصر؟ لم أجد غير صديقي وحبيبي العالمي إيلي صعب، رحت له وقلت له "أنا محتاجاك نحفر خط على حجر، لو اتحط جنب الحضارة المصرية، يليق بها".

وأضافت شريهان: كان في وقت ضيق لأنه كان مشغول، والقماشة تم تطريزها في إيطاليا بالشغل الفرعوني، وكان كل حلمي أن يكون الحجر المصري نفسه هو اللامع، قلت لإيلي صعب (الأمانة اللي أنا شايلها كبيرة وأكبر مني بكتير، أنا مين أكون جنب الحضارة المصرية؟) لكنه منحني القوة وقتها، أنا فخورة جدًا.