غادة عادل: ولادي خايفين يتجوزوا فأتجوز

نهال ناصر | فى حياة المشاهير

غادة عادل

الثلاثاء , 7 أكتوبر 2025 - 14:47 | اخر تحديث: الثلاثاء , 7 أكتوبر 2025 - 14:47

تحدثت الفنانة غادة عادل عن علاقتها بأولادها وفكرة الزواج مجددا.

وقالت غادة عادل خلال لقائها في برنامج "الصورة مع لميس الحديدي" : "أنا صديقة أولادي وأختهم وصاحبتهم وهما مش بيتعملوا معايا أن أنا مامتهم ودي حاجة مريحانا كلنا لا أنا أضايقهم ولا هما يضايقوني".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن فكرة ارتباط أولادها قالت غادة عادل: "أحنا مبسوطين مع بعض كلنا محدش فيهم بيفكر يتجوز هما خايفين يتجوزوا فـ أنا اتجوز فقولنا نقعد كلنا مع بعض".

غادة عادل

نرشح لك: غادة عادل عن عملية التجميل: قولت للدكتور إني مش عايزة أبان أحلى من الطبيعي

وردا على سؤال إن كانت غادة عادل قد تحب أو ترتبط من جديد أجابت: "الحب في أي وقت القلب طول ما هو بينبض بيدق، ممكن يدق طبعا لو لقيت إنسان يستحق هحبه أي إنسان كويس وقلبه ونضيف وطيب بجد أكيد هحبه أنا بحب الطيبين كل اللي حواليا لازم يبقوا طيبين حتى اللي بيشتغلوا معايا أنا بحب الناس الطيبة اللي عندها رحمة وحب وعطاء ومفيش مصالح أي بني آدم جواه المشاعر دي أنا هحبه".

وتابعت غادة عادل متحدثه عن أولادها وطريقة تربيتها لهم: "أنا عيالي طيبين جدا وعندهم رحمة في قلوبهم ودي أكتر حاجة أنا بحمد ربنا عليها أنا كنت عايزة أزرع جواهم حب الناس والرحمة والإحساس بالآخرين دي كانت اهم حاجة عندي، هما 4 ولاد وبنت هي اللي لايصة وسطنا".

وتطرقت غادة عادل خلال حديثها عن فترة صعبة عاشتها بعد طلاقها من المخرج مجدي الهواري واختيارات خاطئة وقعت بها وقالت: "قعدت فترة في حياتي بعد ما انفصلت مش متظبطة حتى في شغلي كنت كل اختياراتي غلط وبشتغل بس عشان أجيب فلوس وأصرف على العيال مع مجدي بس الجزء الخاص بيا، وولادي نفسهم مكنتش نفسيتهم كويسة لكن اشتغلت على نفسي وهذبت نفسي وشفت الأخطاء اللي بعملها ورجعت صلحتها وبقيت سعيدة ومستريحة لقيت ولادي اختلفوا من غير ما أنا أعمل مجهود أنا عملت المجهود في نفسي، أنا كنت مغيبة مش أنا غيري نفسك، هتغري كل اللي حواليكي تهذبي نفسك وتلوميها وتعلميها ليه أنتي وحشة وليه بتعملي دا وأنتي اللي غلط مش دي ولا دا".

يذكر أن غادة عادل يعرض لها في دور العرض السينمائية فيلم "فيها إيه يعني".

فيلم "فيها إيه يعني" من بطولة ماجد الكدواني، غادة عادل، أسماء جلال، مصطفى غريب، وميمي جمال، ريتال عبدالعزيز، وإنتاج ماجيك بينز للمنتج أحمد الجنايني، وسينرجي بلس تامر مرسي، ورشيدي فيلمز، وروزناما، وهو من تأليف مصطفي عباس ومحمد أشرف ووليد المغازي، إخراج عمر رشدي حامد.

كما يعرض لها مسلسل "وتر حساس 2".

مسلسل "وتر حساس" مكون من 45 حلقة، ويضم العمل مجموعة من نجوم الفن، أبرزهم غادة عادل، هيدي كرم، شريف الشعشاعي، كمال أبو رية، رانيا منصور، نبيل عيسى، وإلهام وجدي، محمد محمود عبد العزيز، ومن تأليف أمين جمال وإخراج وائل فرج.