مديحة حمدي عن أكاديمية دينا للرقص: الرقص الشرقي من أيام الفراعنة المشكلة في البدل

نهال ناصر | فى سينما وتلفزيون

مديحة حمدي

الثلاثاء , 30 سبتمبر 2025 - 10:30 | اخر تحديث: الثلاثاء , 30 سبتمبر 2025 - 10:30

كشفت الفنانة مديحة حمدي عن رأيها في افتتاح الفنانة دينا أكاديمية للرقص.

وقالت مديحة حمدي إن المشكلة الأساسية ليست في الرقص كفن ولكن في الملابس التي ترتديها الراقصات.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت مديحة حمدي خلال لقائها في برنامج "الشفرة" عبر قناة الشمس: "الفن والرقص الشرقي من أيام الفراعنة موجود ومتصور على المعابد وهو مش سهل لكن البدل اللي بتتلبس هي المشكلة".

نرشح لك: بحضور نرمين الفقي وأحمد وفيق وإيهاب فهمي ... مهرجان الغردقة لسينما الشباب يختتم فعالياته

وتابعت مديحة حمدي: "إحنا عمرنا ماحسينا مع مدام تحية كاريوكا أو مدام سامية جمال بكده، مكنش تقليد الغرب بالشكل دا دلوقتي بقى العالم مفتوح شايفين الخواجة بيتصرف إزاي".

وكانت دينا ردت على انتقادات افتتاحها لمدرسة رقص.

وقالت دينا خلال مداخلة هاتفية مع برنامج "بتوقيت الشمس": "سنتر الرقص موجودة في مصر مالية الأماكن لو عايزين يغلقوا هيغقلوا 120 مدرسة، هي المشكلة أني بعملها أكاديمي جايين على الحاجة الوحيدة اللي هتحصل بشكل أكاديمي عايزين يقفلوها، إحنا كلنا فنانين دي شغلتنا، إذا كان في الرقص اللاتيني معايا أهم واحد بيدي لاتيني، في التمثيل جاي وائل إحسان من أهم مخرجين مصر في السيناريو تامر حبيب، وموجود ناس من فرقة رضا بيدوا فن شعبي، أنا شخصيا كنت في فرقة رضا إحنا بنعمل حاجة أكاديمية مش بنعمل هلس".

وعن الانتقادات التي وجهت لحفل افتتاح المدرسة ووجود رجال ونساء في مكان واحد أثناء الرقص قالت دينا: "قلنا نعمل افتتاح نهزر ونرقص فيه دا من حقنا دي حفلتنا، المكان مش مفتوح دا للنساء فقط مش ممكن أعمل مكان رقص شرقي مفتوح أنا أخاف على نفسي هلم الناس عليا، كل الاعتراضات اللي جاتلي غير واقعية، وأهم من دا كله إحنا فننا بينسحب مننا، أنا بروح أمرن في كل العالم طيب ما أجيب العالم هنا هي مش عملة هتدخل البلد ومش ناس هتنزل تعمل إقامة وتحجز في فنادق وتنفع بلدي، أنا مصلحة بلدي مهمة، أنا مليش دعوة باللي بيعترضوا على فني أساسا لأن أنا بشتغل فن مصرح في الدولة، وعامله ترخيص للمدرسة زيي زي 120 مدرسة تانية".