راندا البحيري تنتقد حسام حسن: هو مصطفي محمد بيتعاقب؟

نهال ناصر | فى حياة المشاهير

راندا البحيري

الأربعاء , 10 سبتمبر 2025 - 11:36 | اخر تحديث: الأربعاء , 10 سبتمبر 2025 - 11:36

انتقدت الفنانة راندا البحيري الكاتبن حسام حسين المدير الفني للمنتخب المصري، بسبب عدم لعب اللاعب مصطفى محمد المحترف في صفوف نادي نانت الفرنسي لمدة كافية في المباراة التي خاضها المنتخب الوطني أمام بوركينا فاسو ضمن التصفيات المؤهلة لكأس العالم وانتهت بالتعادل السلبي.

ونشرت راندا البحيري صورة مصطفى محمد عبر حسايها على Facebook: "هو مصطفي محمد بيتعاقب؟؟؟ أنا مش فاهمة حاجة. أنا مظنش أن فيه حد في مصر بيحب حسام وإبراهيم قدي ودافع عنهم طول حياتهم قدي من يوم ما مشيوا من الأهلي والكل يشهد أنا بتكلم في حقهم إزاي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت راندا البحيري: "بس معلش يا كابتن حسام بعد إذنك مضطر تفهمنا ليه جبت مصطفى محمد. مش هقولك ليه مبتخليهوش يلعب علشان دي وجهة نظر فنية جدا وأنا مقدرش اتدخل وأتطاول بدخولي في ما لا يعنييني، لكن أفهم أن حضرتك لو مش عاجبك مصطفي محمد والله الرجل عنده فرقه وعنده شغل. جايبه ليه؟؟؟؟؟".

نرشح لك: بإطلالة الأميرات … داليدا خليل تحتفل بزفافها

منشور راندا البحيري

وسبق وتحدثت راندا البحيري عن حسام وإبراهيم حسن وأنهم سبب حبها في كرة القدم.

وقالت راندا البحيري خلال لقائها في برنامج "تفاحة مصرية" مع مروة عبد المنعم عبر قناة "الشمس": "أنا اتولدت لقيت نفسي بحب الكرة، اتولدت لقيت حسام حسن وإبراهيم حسن بيلعبوا كرة في النادي الأهلي والاتنين دول هما اللي حببوني في كرة القدم".

وتابعت راندا البحيري: "وأنا طفلة ابتديت أتابع والله يرحمه خالي كان بيحب الكرة وبيلعب في نادي الزمالك وعمتي كانت مشجعة كروية جدا، شفت الست اللي بتفهم في الكرة وخالي كان بيوديني النادي وفهمني".

وأكملت راندا البحيري: "في العيلة نص زملكاوية ونص أهلاوية بس أكتر اتنين خلوني أحب وأفهم الكرة خالي وعمتي وإني اتفرج واستمتع بالكرة، أنا زملكاوية مش بحب كلمة متعصبة لكن رايحة للجزء دا مش بحب حد يغلط في النادي قدامي ومحبش حد يهزر برخامة ممكن اتضايق جامد".