مفيدة شيحة باكية في عيد ميلادها: أنا ست بـ100 راجل وفخورة باللي وصلتله بعرق جبيني

نهال ناصر | فى حياة المشاهير

مفيدة شيحة

الاثنين , 8 سبتمبر 2025 - 10:25 | اخر تحديث: الاثنين , 8 سبتمبر 2025 - 10:25

لم تتمالك المذيعة مفيدة شيحة دموعها وهي تتحدث عن نفسها وما مرت به وذلك خلال احتفالها بعيد ميلادها.

ونشرت مفيدة شيحة فيديو لها عبر حساباتها في مواقع التواصل الاجتماعي ووجهت رسالة لنفسها وهي تبكي.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مفيدة شيحة

وقالت مفيدة شيحة في الفيديو: "أنا النهاردة تميت 54 سنة، اتطلب مني إني أقول كلمة لمفيدة يوم عيد ميلادها، السؤال تقيل مكنتش متوقعاه كنت فاكرة إني ممكن أرد بمنتهى السهولة، أقول للست الجميلة برافو أنا فخورة بيكي جدا يا مفيدة ناس كتير ممكن تتوقع أن دا تمثيل أو غرور لكن في حقيقة الأمر أنا فرحانة بيكي جدا وفخورة بيكي جدا برافو يا بنت".

نرشح لك: محامي ورثة محمود عبد العزيز: النيابة لم تحل بوسي شلبي بتهمة التزوير لعدم توافر سوء النية في إثبات البيانات المغلوطة

مفيدة شيحة

وتابعت مفيدة شيحة لتحكي عن ما حققته خلال السنوات الماضية من عمرها: "أنا فاكرة أوي اليوم اللي كنت فيه 25 سنة وكنت لسه والده "منة" وكان عندي أمل كبير وكان نفسي اعمل حاجات كتير جدا بس مكنتش عارفة أروح فين وأجي منين، والحياة تاخدني وتوديني عمري ما توقعت أن يجي الـ54 سنة وأكون حققت كل اللي بحلم بيه، حققت كاريير وكنت فيه ناجحة جدا، حققت بيت وجود أهلي فيه وتأمينهم كان حلم حياتي، رعاية أمي لغاية ما توفيت محتاجتش حاجة، علمت بنتي أحسن تعليم لغاية ما أخدت الماجيستير ودا كان أمل حياتي، جوزت بنتي وعملت كل اللي اختارته وكل حاجة كان نفسها فيه بالفستان بالفرح بالمكان بالعريس ونفذته لها وكل دا وحافظت على نفسي على مفيدة على كرامتها وعزة نفسها أنا مترجتش حد ومتنازلتش لحد كل اللى وصلتله بعرق جبيني".

واختتمت مفيدة شيحة رسالتها لنفسها قائلة: "أنتي ست بـ100 راجل لأنك عملتي كل الأدوار بتاعة الـ100 راجل اللي كانوا موجودين أنتي عملتي كل الأدوار دي ونجحتي، عقبال ما أشوفك 60 سنة ويبقى فاضلك الحاجة الوحيدة اللي بتتمنيها من ربنا الصحة والستر والحفيد اللي يطبطب عليا".