كريم فهمي: مسلسل "220 يوم" تعبني نفسيا وكنت بصحى على كوابيس

نهال ناصر | فى سينما وتلفزيون

كريم فهمي

الاثنين , 1 سبتمبر 2025 - 15:09 | اخر تحديث: الاثنين , 1 سبتمبر 2025 - 15:09

تحدث الفنان كريم فهمي عن مسلسل "220 يوم" ووصفه بالمرهق نفسيا.

وقال كريم فهمي خلال لقائه في برنامج "كلام نواعم": "المسلسل دا عملي كوابيس ولحد النهاردة بصحى من النوم في كوابيس رهيبة لأني قعدت سنتين أو أكتر شغال عليه تعبني نفسيا جامد من أول الكتابة لحد ما خلصنا تصوير".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن فكرة أن البطل في مسلسل "220" أخفى على زوجته مرضه وإن كان كريم فهمي في الواقع يخفي عن زوجته بعض الأمور قال: " في اللحظة دي مش فاكر إن كان حصل وخبيت عليها لكن أنا ذاكرتي ضعيفة دايما لما بيكون في حاجة بحكيها لمراتي لأنها هي اللي هتشيل المعلومة، على المستوى الشخصي أنا بحب المشاركة، الصراحة مهمة لأن الزوجين بقوا واحد في كل حاجة أنا بحب دايما أن كل الحاجات اللي ممكن تكون بتحصل على مستوى الشغل والحياة اليومية اللي ينفع تتقال بقولها على طول، ودا بالنسبالي لأن كل واحد حياته وظروفه مختلفة، أنا راجل مش بعرف أعمل غير شغلي وهي قايمة بباقي الحاجات".

نرشح لك: فيديو - فريدة سيف النصر ترد على اتهامها بالتجارة في الأعضاء: معنديش فيلا علشان يتقال عليا الكلام ده

كريم فهمي وصبا مبارك على بوستر مسلسل 220 يوم

وأضاف كريم فهمي: "المسلسل قصة حب بين أحمد ومريم وأصعب حاجة في صناعة عمل أن الشرير بتاعة العمل أنت مش عارف تمسكه بإيدك لأنه "المرض" هو دا صعوبة المشروع دا بالذات، البطل مرضيش يقول لمراته لأنها كان عندها حلم بقالها 7 سنين نفسها تخلف ولما بقت حامل اكتشف أنه مريض، دي كانت ظروفه قرر ميقولهاش، ربنا يبعد عننا".

ومسلسل "220 يوم" بطولة كريم فهمي وصبا مبارك وحنان سليمان التي تقدم دور والدة كريم فهمي، وعايدة رياض في دور خالته، إلى جانب علي الطيب، لينا صوفيا، يوسف رفعت، وغيرهم من الوجوه الشابة.

المسلسل من تأليف محمود زهران، وسيناريو وحوار نادين نادر، وإخراج كريم العدل، وإنتاج شركة "صباح إخوان" وتكون من 15 حلقة.

اقرا أيضا:

فيديو - جيهان الشماشرجي: مسلسل "إخواتي" نقطة فارقة في حياتي العملية

محمد التاجي: يوسف الشريف مشتغلش من وقت تصريحاته عن عدم التلامس

مينا مسعود وإميلي شاه يحتفلان بزفافهما في إيطاليا بمراسم هندوسية وقبطية ... ويوثقان الزفاف بجلسة تصوير لصالح مجلة "فوج إنديا"

نسرين طافش تكشف عن صورة زوجها لأول مرة في سهرة بالساحل الشمالي

لا يفوتك: ريمونتادا وخفة دم ونزاهة.. بداية نارية في الحلقة الأولى من "غالب ولا مغلوب"