بسبب رجل انجليزي وزوجته ... محمد سامي يتعرض لموقف محرج

مي جودة | فى حياة المشاهير

محمد سامي

الأربعاء , 20 أغسطس 2025 - 21:08 | اخر تحديث: الخميس , 21 أغسطس 2025 - 00:08

روى المخرج محمد سامي عن موقف محرج تعرض له مؤخرا، بسبب ظنه أن سيدة إنجليزية حامل!

كتب محمد سامي عبر حسابه بموقع Facebook: "كنت في الاسانسير ودخل راجل ومراته، كانو فرافيش جدا والراجل قاللي بلذاذة إن ساعتي عجباه وضحكنا واتعرفنا، وقلتلهم إني مصري وإتبسطوا جدا وزودوها في الإنبساط، وقالولي إنهم إنجليز أفورت زيهم وفرحت جدا".

وتابع محمد سامي: حبيت أجامل زيادة أنا كمان، وبصيت لمراته، ست جميلة وحامل بطنها قدامها متر، ابتسمت لها، وسألتها إنتي حامل في ولد ولا بنت، ولقيتهم فجأه سكتوا، والست بصتلي بقرف، وقلبت وشها، وقالتلي إنها مش حامل أصلا.

محمد سامي

وأضاف محمد ساني: وهنا أنا حسيت إني نفسي الاسانسير يقع ونموت إحنا التلاتة، ومعانا الطفل اللي هي مش حامل فيه، أكتر موقف إتكسفت فيه فحياتي، وربنا ما يحط حد في موقف شبهه، باب الاسانسير إتفتح طلعت أجري كأني حرامي موبيلات، وده يعلمني بعد كده أخرس لأني نص مشاكل حياتي سببها إبن ستين كلب لساني.

يذكر أن محمد سامي عرض له في موسم رمضان الماضي مسلسل "إش إش"، من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.

كما عرض له في رمضان الماضي مسلسل "سيد الناس" بطولة: عمرو سعد، وإلهام شاهين، وريم مصطفى، وأحمد زاهر، وأحمد رزق، وإنجي المقدم، وخالد الصاوي، ومنة فضالي، ونشوى مصطفى، ورنا رئيس، وملك أحمد زاهر، وأحمد فهيم، تأليف خالد صلاح ومحمد سامي، وإخراج محمد سامي.