أوس أوس: اتقبض عليا في إيطاليا قبل تصوير "رمسيس باريس"

نهال ناصر | فى حياة المشاهير

أوس أوس

الأربعاء , 20 أغسطس 2025 - 15:27 | اخر تحديث: الأربعاء , 20 أغسطس 2025 - 15:27

حكى الفنان أوس أوس عن موقف صعب تعرض له في إيطاليا خلال سفره لتصوير فيلم "رمسيس باريس".

وقال أوس أوس خلال لقائه في بودكاست "فضفضت أوي" مع معتز التوني: "كلموني في فيلم "رمسيس باريس" وكان محمد ثروت عنده مشكلة مش هينفع يسافر وقالولي أرجوك تعالى، طلعت الفيزا "شينجن" وصبغت شعري أزرق وحضرت نفسي، ولأن الشينجن كنت مطلعها لإيطاليا سافرت على إيطاليا الأول وبعدها قلت أسافر داخلي لباريس".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع أوس أوس حكايته:" نزلت إيطاليا كان يوم 2 يناير مفيش حد في المطار غير أنا والناس اللي في الطيارة وكان وقتها كورونا، وأنا داخل سألني شخص أنت ليه جاي هنا رديت أنا كل سنة باجي إيطاليا مكنتش عايزة أقوله أني ترانزيت ورايح فرنسا عشان عايز أخد ختم دخول إيطاليا عشان تبقى الدنيا أمان وبعدها أسافر داخلي، سألني هتقعد فين قلت له صديقي مستنيني ورا المطار قالي أوكي، وجيه ظابط وقالي اتفضل معانا وأنا مش فاهم في إيه وهما واخدين باسبوري".

نرشح لك: فيديو - عمرو يوسف يكشف كواليس رقصه مع عمرو دياب على المسرح: أنا من جمهوره ومن يوم ما طلع بسمعه

أضاف أوس أوس: "رحت معاهم ودخلت أوضة كلها ناس محبوسة قلت سلامو عليكو يمكن ألاقي أي حد عربي مفيش وهما شكلهم مرعب وقعدت مش عارف هعمل إيه جالي الظابط جايبلي ورقة كبيرة بالإيطالي المفروض أحلها، اللي اكتشفته إني جاي بفيزا سياحة وهما قافلينها فكل اللي كانوا معايا دخلوا لأنهم تعيلم أو إقامة لكن أنا معايا سياحة، أنا طلعت الفيزا من القنصلية لأن الدنيا كانت قافلة وأخدتها سياحة، الظباط قالي كلم صاحبك اللي واقف برا قلت له إني معيش رصيد راح واخد موبايلي ووصله بإنترنت المطار وطلب مني أكلمه أونلاين، كلمت الراجل اللي في القنصيلة اللي أنا رحت له هو مصري وبيتكلم إيطالي، قلت له أنا في إيطاليا قالي إيه اللي وداك إيطاليا أنت مش قلتلي عندك فيلم في فرنسا قلت له أيوة، قالي ما الشينجن دي بتدخل أي بلد، قلت له ما أنا خفت وقلت لازم أخد ختم، راح كلم الظابط وقاله إني ممثل مصري ورايح أصور في باريس وجاي أقعد يومين في إيطاليا عشان متعود، قالوله أوكي ومشيوا وبعدها الظابط رجع وختم لي الباسبور وقالي هما بس يومين".

View this post on Instagram

A post shared by Moataaz El Tony - معتز التوني (@moataazeltony)

فيلم "رمسيس باريس" بطولة هيفاء وهبي، محمد سلام، محمد ثروت، حمدي المرغني، محمود حافظ، سميرة مقرون ومصطفى خاطر، وأوس أوس، جومانا مراد، ومصطفى البنا، أحمد كشك وسامى مغاوري، وتأليف كريم حسن بشير وإخراج أحمد خالد موسي، وإنتاج ريمون رمسيس وأحمد خالد موسى.

اقرأ أيضا:

داعبت موج البحر بفستانها الأزرق ... مي سليم تخطف الأنظار في أحدث جلسة تصوير

#شرطة_الموضة: نيكول سابا بفستان فضي لامع بفتحة جانبية طويلة يظهر رشاقتها

رقصت ودقت على الطبول… لقطات من حفل ميريام فارس في السويد

عمرو يوسف ودينا الشربيني وتارا عماد يحضرون العرض الأول لفيلم "درويش" في الرياض

لا يفوتك:تأملات في صوت جارة القمر | الدحيح

لا يفوتك: ريمونتادا وخفة دم ونزاهة.. بداية نارية في الحلقة الأولى من "غالب ولا مغلوب"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5