نجوى فؤاد: معاشي 600 جنيه وعايشة في شقة إيجار

نهال ناصر | فى حياة المشاهير

نجوى فؤاد

السبت , 16 أغسطس 2025 - 13:08 | اخر تحديث: السبت , 16 أغسطس 2025 - 13:08

ناشدت الفنانة نجوى فؤاد وزارة الثقافة للاهتمام بها وكل الفنانين القدامي.

وفي مداخلة هاتفية مع برنامج " بنظرة تانية" طمأنت نجوى فؤاد جمهورها على صحتها، وكشفت عن أحوالها في ظل عدم مشاركتها في أي عمل جديد.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت نجوى فؤاد: "بطالب وزارة الثقافة تهتم بالفنانين اللي عملوا مشوار كبير جدا وكانوا بياخدوا ملاليم مش ملايين، دخلنا معروف بالضرايب إحنا عايزين نعيش عيشة آدمية حلوة وربنا يختمها معانا ختام كويس، ومش يعملولي دار مسنين هو الحمد لله الواحد عنده بيت مش تمليك دا إيجار بقالي 40 سنة في البيت دا اللي على النيل، إحنا معندناش تمليك ولا عندنا شقق ولا محلات أكل، ياريت ينتبهوا لينا شوية لأن الأدوية بقيت غالية وزيارة الدكتور بقت غالية".

نرشح لك: على ظهر سيارة عائمة ... هاجر الشرنوبي تحتفل بعيد ميلادها وسط البحر

وتابع تنجوى فؤاد: "أنا الحمد لله كويسة ومش هعتزل ولا حاجة أنا عندي بس شوية تنميل في قدم رجلي وبنعالجه وعلى الله الشفاء، وأنا اشتغلت 40 سنة لما أقعد سنتين تلاتة مش مشكلة".

وأكملت نجوى فؤاد: "أنا يوم ما اعتزل لازم أطلع أحج، واشوف مشروع صغير، للأسف نقابتنا ووزارة الثقافة مش سألين فينا معاشي 600 جنيه في الشهر وطبعا دول ميجيبوش عيش حتى، أنا هدور على أي حاجة اشتغلها مش عارفة اشتغل إيه أنا قضيت عمري كله في المشوار الفني الجميل وحب الناس، والأعمار بيد الله ومحدش عارف أجله أمتى".

وأكدت نجوى فؤاد أنها تعتز بكل الأعمال التي قدمتها ,لن تطالب في يوم بحذف أي عمل بعد وفاتها قائلة: "يمسحوا أعمالي ليه هو أنا عملت أعمال مشينة أنا عاملة فيلم اسمه "حد السيف" في حدوته عن الرشوة كان بطولة محمود مرسي وقصة وحيد حامد، وعامله فيلم "ألف بوسة وبوسة" وكان استعراضي عملت 7 أفلام إنتاج كنت كل اللي بكسبه أصرفه على الفرقة والإنتاج".

اقرأ أيضا:

مروان بابلو وليجي سي وشهاب يشعلون أجواء مهرجان العلمين بمشاركة زياد ظاظا

فريق "واما" يشعل حماس الجمهور في "رأس الحكمة" ... ومي سليم وميس حمدان بين الحضور

بسمة بوسيل تشارك في حفل راقص في الساحل الشمالي بغناء "إنت عمري" لأم كلثوم

نسرين طافش بمكياج مميز وفستان تركواز في أحدث ظهور

لا يفوتك: للأطفال فوق الـ 20 سنة ... 3 أفلام أنيميشن لازم تشوفهم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5