بالدبكة ومحمولا على الأعناق … الجمهور اللبناني يستقبل تامر حسني بالمطار

نهال ناصر | فى حياة المشاهير

تامر حسني

السبت , 9 أغسطس 2025 - 17:08 | اخر تحديث: السبت , 9 أغسطس 2025 - 17:08

شارك الفنان تامر حسني جمهوره بفيديو للحظة استقبال الجمهور اللبناني له في المطار.

ونشر تامر حسني فيديو عبر حسابه على Instagram ظهر فيه محمولا على الأعناق حيث استقبله جمهوره في لبنان بالدبكة اللبنانية وبالورود والزغاريد.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وظهر تامر حسني وهو يصور الجمهور ويمسك بالعلم اللبناني.

تامر حسني في لبنان

نرشح لك: هيفاء وهبي تخطف الأنظار بفستان بتصميم الزيبرا الأسود والأخضر بتوقيع روبيرتو كافالي في حفل زفاف يومي بيوتي

وكتب تامر حسني تعليقا على الفيديو: "لحظات جميلة مبتتنسيش من كرم ومحبة ومن الاستقبال الاستثنائي العظيم من الجمهور اللبناني الحبيب من لحظة وصولي المطار حتى الفندق، كل الحب والشكر والتقدير للشعب اللبناني الراقي الحبيب، حفظكم الله يا غاليين على قلبي".

View this post on Instagram

A post shared by Tamer Hosny (@tamerhosny)

ويحيي تامر حسني حفلا غنائيا مساء اليوم، السبت 9 أغسطس في لبنان.

على جانب آخر، وجه تامر حسني رسالة لجمهوره يكشف فيها عن كواليس ألبومه الجديد "لينا ميعاد"، الذي طرحه مؤخرا عبر المنصات المختصة في الموسيقى.

كتب تامر حسني عبر صفحته بموقع Facebook: "هنتهز الفرصة الجميلة دي إن أغنية (الذوق العالي) مع حبيبي اللي بموت فيه الـ King محمد منير تريند عام رقم واحد، وفي تريند الموسيقى لسه أول يوم أهوه، والـ ١٣ أغنية بتوع ألبوم (لينا معاد) في التريند، عايز أقولكم حاجة، عشان كنت أوصل إن ألبومي يدخل التريند كله، وبعيداً عن التريند يعجبكم كده… أنا مشيت مشوار كبير، أوله إني كنت بقرأ كل تعليقاتكم السلبية قبل الإيجابية، لأني عارف إنكم بتحبوني، وده خلاني أركز وأحلف جوا نفسي إني لازم أفرحكم وأخليكم فخورين بالمجهود اللي عملته".

وتابع تامر حسني: وتاني حاجة، احترمت ذكرياتكم اللي على صوتي، وتعبت تعب مش طبيعي، ودخلت مستشفيات نص السنة ومش بحب أقول ولا أنزل أخبار من دي، يا جماعة أنا بحبكوا أوي، ومن يوم ظهوري وأنا واحد منكم، عارف إن في ألبومات مكانتش قد توقعاتكم، وإن في ألبومات علامات مش هتتنسي، هي دي الحياة، شوية كده وشوية كده، بس عارف مدى حبكم لألبوم "عيش بشوقك"، فكان جوايا تحدي واحد بس، إني أتحدى نفسي في عيش بشوقك وأتفوق عليه.

تامر حسني

وأضاف تامر حسني: فضلت أذاكر السوق الغنائي، وتغير أنماط الموسيقى اللي أنا بحترمها كلها، وبحترم كل الفنانين اللي نجحوا فيها، فضلت أطور من أدائي، وأذاكر جوا الاستوديو مع مهندسين صوت لمدة سنتين، وأجتهد مع الموزعين والملحنين والشعراء اللي بشتغل معاهم في تقديم أجدد شيء، ويمكن زعلوا مني كتير من كتر ما أنا عمال أغير وأعدل وأعيد من أول وجديد، بس دلوقتي فرحتي بالدنيا وهما بيشكروني قدامكم وعلى تليفوني من الإشادات اللي سامعنها منكم في حقهم.

واستكمل تامر حسني: اشتغلت الألبوم ده وأنا جوايا عناد رهيب إن الألبوم كله يعجبكم، أكيد هيكون في تفاوت في الإعجاب، بس المهم إنكم قدرتوا مجهودي والتنوع اللي قدمته في الأوديو والڤيديو، متشكر من قلبي لكل حد نصحني، وكل حد نقدني عشان بيحبني، أنا سمعت كلامكم وتعبت أوي، وانتوا أكيد شايفين، تعبت عشانكم، وعشان برضو أحاول أكون واجهة فنية موسيقية جميلة لمصر، بحكم إني بسافر كتير أغني قصاد العالم، واسمي مطرب مصري عربي.

اقرأ أيضا:

شيرين تحكي قصة خناقات "بخيت وعديلة": كسرت كل حاجة وعادل إمام ملقاش حاجة يحدفني بيها .. فيديو

"المدرس قالي بابا مبيحبكيش".. قصة تغيير شيرين لاسمها الحقيقي

حفظ التحقيقات في بلاغ اعتداء أحمد السقا على طليقته مها الصغير داخل كومباوند بأكتوبر

محمد علي رزق: أبويا مكنش تعبان ومات غفلة ... وبقول للجيل الجديد اشبعوا من أهاليكم

لا يفوتك: للأطفال فوق الـ 20 سنة ... 3 أفلام أنيميشن لازم تشوفهم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5