سماح أنور: بدأت التمثيل وأنا عندي 15 سنة عشان أنقذ موقف

نهال ناصر | فى سينما وتلفزيون

سماح أنور

الأربعاء , 6 أغسطس 2025 - 21:08 | اخر تحديث: الأربعاء , 6 أغسطس 2025 - 21:08

حكت الفنانة سماح أنور كيف دخلت عالم التمثيل موضحة أنها بدأت في سن صغير وهي في المرحلة الثانوية، وكانت البداية انقاذ موقف.

وقالت سماح أنور خلال لقائها في بودكاست "فضفضت أوي": "أنا دخلت كلية الآداب قسم فرنساوي حضرت لحد سنة 3 لأني من أولى جامعة كنت بشتغل ابتديت شغل في ثانوية عامة، أول حاجة خالص كان في مسرح التليفزيون وكانوا بيعملوا مسرحيات للتليفزيون أبويا كان بيألف وينتج المسرحيات دي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت: "أبويا كان بيعمل رواية وكانت روايات التليفزيون دي بتتعمل بروفات وبعدين يصوروا، بعد ما عملوا البروفات النهائية البطلة كان عندها تصوير في استديو مصر ووقعت ورجلها اتكسرت وبلغوا أبويا أن مفيش تصوير عشان مش هينفع تمثل، كان الله يرحمه أستاذ عبد المنعم مدبولي المخرج وبطل في المسرحية مع أستاذ وحيد سيف، أستاذ عبد النعم مدبولي وأستاذ وحيد سيف زعلوا أوي لأن الكاميرات في المسرح وخلاص كانوا هيصوروا، وكان فلوس التصوير هتتقبض تاني يوم، أنا كنت أيامها كان أتوبيس المدرسة بينزلني عند المسرح عشان كان والدي وولدتي بيشتغلوا لحد بالليل فكنت بروح أحضر البروفات، وكنت حافظة الرواية لأني بروح كتير وكنت بتفرج بتركيز مش عشان بنت المنتج، أستاذ عبد المنعم مدبولي قال لبابا طيب ما سماح حافظة الدور".

نرشح لك: عمرو سلامة عن حبس "التيكتوكر" محمد عبد العاطي: فرحتكم بنومته في الحجز فرحة خسيسة

وأكملت سماح أنور: "كان عندي 15 سنة وكنت قاعدة في الأوضة مستنياهم وبحلم أنهم هيندهولي وبعمل الرواية والناس بتسقف لي، ولقيت ماما داخلة عليا وبتقولي بابا عايزك، طلعت ليهم سألني أستاذ عبد المنعم مدبولي أنتي حافظة الرواية كان فيها مونولوجات كتير لأنه كان كاتبها لفؤاد المهندس وشويكار ومتعملتش عشان اتطلقوا، قلتلهم أني حافظة وفعلا قلت فاقتعنوا بيا وكنا بننقذ الموضوع مفيش حاجة في دماغهم غير كده، أنا مكنتش عظيمة طبعا بس هما حسوا أن في حاجة فيا مش مجرد بنت المنتج".

View this post on Instagram

A post shared by Moataaz El Tony - معتز التوني (@moataazeltony)

يذكر أن سماح أنور عرض لها مؤخرا مسلسل "كتالوج" بطولة محمد فراج وريهام عبد الغفور وتارا عماد وخالد كمال وبيومي فؤاد وسماح أنور وصدقي صخر ودنيا سامي وعلي البيلي وريتال عبد العزيز وأحمد عصام السيد، المسلسل من إخراج وليد الحلفاوي، وإنتاج أحمد الجنايني، وتأليف أيمن وتار.

اقرأ أيضا:

مايا دياب تستعرض تفاصيل إطلالتها في حفل جوائز BIAF ... اعتمدت على تصميم "الزيبرا" الجريء بالأبيض والأسود

غادة عبد الرازق بإطلالة منزلية أنيقة وأربطة القدم بعد تعرضها للإصابة

#شرطة_الموضة: نوال الزغبي بفستان لامع مكشوف من الصدر وفتحة جانبية طويلة في حفل ملك جمال لبنان … أجرت عليه هذه التعديلات

#شرطة_الموضة: مروان موسى بإطلالة كاجوال من MCM Worldwide في حفل جوائز BIAF سعرها 188 ألف جنيه

لا يفوتك: للأطفال فوق الـ 20 سنة ... 3 أفلام أنيميشن لازم تشوفهم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5