منة فضالي لمنتقدي ملابسها: بلبس عريان؟ ما يمكن أنا عند ربنا أحسن من ناس كتير

نهال ناصر | فى حياة المشاهير

منة فضالي

الاثنين , 4 أغسطس 2025 - 10:08 | اخر تحديث: الاثنين , 4 أغسطس 2025 - 10:08

وجهت الفنانة منة فضالي رسائل لمتابعيها بها بعض النصائح كما ردت على تعليقات البعض حول سفرها المتكرر خارج البلاد لقضاء الإجازة وانتقادات ملابسها المكشوفة.

ونشرت منة صورة جديدة لها عبر حسابها على Instagram وكتبت: "أوعى تصدق اللي تقولك صاحبتي وأختي وحبيبتي أو صاحبي وأخويا وحبيبي إلا لو كان بالفعل، أصل الكلام ببلاش لكن الأفعال محتاجه مجهود، الفلوس حلوة وكل حاجة بس مش كل حاجة الفلوس لأنها مش بتشتري الصحة والأهل واللي ماتو وفارقونا، في حاجات كتير في حياتنا أهم من كل ده صاحبك دراعك حبيبي قرشي وأخويا صحتي ربنا ما يحوج حد لحد أبدا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت منة فضالي: "هتقولولي بتقولي الكلام ده ليه دلوقتي وانتي كل شويه في بلد ومنين فلوس و الجو النيله ده أقولكم الحمد لله أنا اشتغلت كتير جدا جدا وده رصيدي يمكن حظي مش زي كل الناس بس أنا راضيه والحمدلله بـ اللي ربنا ادهولي، هتقولولي وانتي بتعرفي ربنا وانتي بتلبسي عريان أقولكم اه يمكن أنا عند ربنا أحسن من ناس كتير يمكن بعمل خير كتير من غير إعلان لأن اللي بيعمل خير مش لازم يقول دي حاجة بينك وبين ربنا بس، كفايه إني عمري ما أذيت حد في حياتي بالعكس أنا دايما بتأذى".

منة فضالي

نرشح لك: انتقادات لدخول المذيعة سهام صالح في نوبة ضحك خلال لقائها بالحكم إبراهيم نور الدين

واختتمت منة فضالي كلامها: "اللي عاوزه أقوله محدش يعتمد على حد ولا يصدق حد ولا يثق في حد في الزمن ده النفوس وحشة أوي علشان كده أنا دايما لوحدي أو مع أمي وكلابي وبس لأن مفيش حد له أمان ربنا يحرس الجميع من شر نفوس الناس".