رحمة حسن تكشف عن تساقط شعرها بسبب علاج خاطئ: قلبي مكسور ونفسيتي في الأرض

نهال ناصر | فى حياة المشاهير

رحمة حسن

السبت , 2 أغسطس 2025 - 15:08 | اخر تحديث: السبت , 2 أغسطس 2025 - 15:08

كشفت الفنانة رحمة حسن عن مرورها بوقت عصيب بسبب تساقط شعرها بشكل كبير بسبب علاج خاطئ.

ونشرت رحمة حسن صورة لرأسها يظهر فيها تساقط شعرها بشكل كبير وحكت ما حدث لها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وكتبت رحمة حسن في تعليقها على الصورة التي نشرتها عبر حسابها في Instagram: "دا شعري دا اللي بعانيه كل يوم من عامين، صحتي كويسة الحمد لله لكن قلبي مكسور وحاسه بالتوتر طول الوقت ومش عايزه أعمل أي حاجة، أنتوا م شعارفين أنا تعبانة قد إيه، حبيت أشارككم".

رحمة حسن

نرشح لك: وفاء عامر تنفي سفرها للخارج وتؤكد متابعتها للتحقيقات وثقتها في نزاهة القضاء المصري

وتابعت رحمة حسن لتحكي ما حدث معها: "شعري ابتدى يقع من الجذور ويقع أكتر بعد ما رحت عيادة في الزمالك والمفروض أنه افضل حاجة موجودة، كشفت وعملت التحاليل المطلوبة كلها، كان شعري عادي خفيف تعبان لكن مش بيقع بيقع كام شعرة عادي! بعد ما روحت و عملت التحاليل الدكتورة قالتلي كلها تمام ممكن بس الحديد نازل شوية ! ممكن ناخد حديد، وهنعمل بلازما من دمك يعني حاجة كويسة وأمان مية في المية! أوكي طبعا".

وأكملت رحمة حسن: "المهم رحت وسألتني الدكتورة قبل البلازما بعد سحب الدم! اخبار الظغط بتاعك إيه! قولت مش عارفة ! قالتلي طيب المهم عملت البلازما و ميزوثيرابي!!!! مش بلازما بس ! الكارثة أنه حطتلي حقنة مينوكسيديل مع الحقنة وعملتها بالميزوثيرابي! و طبعا أنا معرفتش غير لما روحت البيت لأن كان ضربات قلبي غريبة وحاسة إني تعبانة ودماغي ثقيلة، بشوف الفاتورة لقيته انها حطتلي مينوكسيديل بدون ما ترجعلي الأول وأنا كنت بس مفروض أعمل بلازما فقط من دمي".

رحمة حسن

وأضافت: بس من ساعتها شعري بيقع كل يوم ومافيش بيبي هير بيطلع أصلا ولو طلع بيقع تاني علي طول، لو أعرف من الأول مكنتش رحت أبدا لأنهم حطولي حاجة أول مرة استعملها بدون ما يرجعولي الأول وفي حاجة مهمة زي دي كان عندي ثقة قبل ما أروح لكن طبعا بعد اللي حصل مروحتش تاني أبدا وشعري فضل يقع من ساعتها أكتر وأكتر وكل الناس عارفة أنك لو استعملت المينوكسيديل مينفعش يتوقف وهما عملوا الكارثة دي بدون ما يقولولي الأول حتى، ومن ساعتها وأنا شعري ونفسيتي في الأرض".

منشور رحمة حسن عن تساقط شعرها

وأوضحت رحمة حسن في منشور آخر أنها لن تسكت بعد الآن وستتقدم ببلاغات ضد أي مكان تذهب إليه وتتعرض للضرر بسببه.

منشور رحمة حسن

وقالت: "من هنا ورايح أي مكان أو عيادة أو منتج أو أي حاجة أكون بشتري أو بعمل خدمة فيها أو تكون الخدمة حقيقي سيئة و تسببلي أي أذى جسدي أو نفسي أو أي نوع من الاذى، هقول وهروح اشتكي وهقدم بلاغات ومش هسكت عن حقي تاني أبدا، كل مرة بسكت ومش بقول الخدمات المقدمة بتكون أسوأ ألف مرة وده بيسبب أذى ليا كبيرن وأنا مش هسمح أبدا أبدا تاني إني يحصلي حاجة وحشة بسبب خدمات المفروض أنها تحسن من حياتي مش تبوظها".