بسنت شوقي تكشف عن سر لا يعرفه عنها الكثير

مي جودة | فى حياة المشاهير

بسنت شوقي مع نصوحي ومرعي

الأحد , 27 يوليو 2025 - 02:07 | اخر تحديث: الأحد , 27 يوليو 2025 - 03:07

كشفت الفنانة بسنت شوقي عن سر لا يعرفه عنها الكثير من محبيها، وهو حبها لكرة القدم.

كانت بسنت شوقي من حضور تصوير آخر حلقات "صباحو تحدي" الذي يقدمه عمرو نصوحي، ونشرت صورا تجمعها به وبفريق البرنامج، وعلقت كاتبة: "النهاردة هاتكلم عن حاجة شخصية شوية، يمكن مش ناس كتير تعرفها عن، بس حابة أشاركها معاكم… أنا بحب كورة القدم جدا وفان كبيرة اوى اوى لصباحو تحدي".

بسنت شوقي

وتابعت بسنت شوقي: حبى للكورة ابتدى من وأنا صغيرة اوى، أبويا مكنش بيفوت ماتش وأنا كنت بأقعد أتفرج معاه وحبيتها، أنا الوحيدة ما بين إخواتى اللى اتسحلت معاها، أول كراش فى حياتى وأنا طفلة مكنش نجم سينما و كدة، لا كان روبرتو باچيو، كنت بإقف جون مع الولاد فى المدرسة، كانوا مسمينى zambrotta عشان كنت أى يوم مفيهوش يونيفورم كنت بلبس تيشيرت إيطاليا وكنت بأعشق وليد صلاح الدين وأيمن شوقى.

بسنت شوقي

وأضافت بسنت شوقي: فضلت كدة لحد بورسعيد، بعدها قفلت بكل أمانة وبقيت بس با troll (أسخر) على صحابى الزملكاوية وخلاص، لغاية من حوالى سنتين كدة، صاحبتى الانتيم، كويرة زملكاوية كدة، كانت معايا فى العربية قالتلى أنا بجد بحب نصوحى جدا، بنى آدم نضيف وسالك وحكيتلى على صباحو (هى مشافتش ولا حلقة) وعلى مرعى وكدة، والموضوع خلص.

بسنت شوقي

واستكملت بسنت شوقي: روحت بليل، النور كان قاطع، قلت افتح أشوف على يوتيوب ايه الموضوع (أنا curious جدا بطبعى)، و بسسسسس
شحنت باقة الإنترنت مرتين ليلتها، وطبقت على سيزون وخلصته و كلمتها تانى يوم بأحكيلها بقى على مين لذيذ و مين مثقف ومين الدوك ومين معرفش مين وعملت فولو لنصوحى ومرعى وبقيت نامبر وان فان للبرنامج… و لما بشوفهم الاتنين فى اى حتة باقلب fan girl (معجبة) تماما.

بسنت شوقي

واستطرت بسنت شوقي: عمرو عارف مشاعرى دى وبعتلى قاللى لو فاضية اجى احضر تصوير آخر حلقة فى "السيزون" والحمد لله انى روحت، عشان لما وصلت عرفت انها الحلقة الأخيرة فى السلسلة كلها، وعلى فكرة، أنا روحت متأخرة شوية، كان مرعى أصلا خسران عشان محدش يقول وشى وحش وفقر، أنا زعلانة جدا ان صباحو خلاص كدة، صباحو كان روتين عندى وانا باطبخ، وانا سايقة، يوم الجمعة الصبح، لما ببقى فى موود وحش … بس حتى وهو بيخلص بيخلص بشقاوة 1-6، الرقم اللى بيضايق ده.

واختتمت بسنت شوقي كاتبة: بس خير ان شاء الله أنا متأكدة ان عمرو هيرجع بحاجة احلى، هتوحشونى كلكم، صباحو ومرعى ورامز، وفخورة إني كنت من ضمن حضور آخر حلقات البرنامج، للناس اللى متابعة بقى، شوية fun facts (حقائق مسلية)،
1. أنا مراعنة (إلا آخر حلقة بصراحة، من حق عمرو يكسبها عشان قناته برضو)
2. احسن اداء فردى فى رأيي حنفى وعرفى ويوسف عثمان وعادل سعد
3. الذ حلقة السنة دى حلقة چيمى وكيكس، وحبيت حلقة حنفى وصاوى اوى برضو بصراحة.

اقرأ أيضا:

علي البيلي يستعيد كواليس تصوير مسلسل "كتالوج" مع محمد فراج بألبوم صور: فيجو أنت بالنسبة لي صديقي المفضل

مطارات وشواطئ ولحظات مرحة ... داليا البحيري تستعرض لقطات من إجازتها في أوروبا

مصطفى كامل: مكنتش أعرف بالخلاف بين شيرين وأنغام

#شرطة_الموضة: إليسا بفستان لامع في جدة ... بطنت الجزء الشفاف وسعره 457 ألف جنيه

لا يفوتك: ليه كلنا بنحب عبلة كامل؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5