تعاون جديد بين حسين الجسمي وهشام جمال وليلى أحمد زاهر ... أغنية "أنا والقمر"

مي جودة | فى موسيقى وحفلات

هشام جمال وليلى أحمد زاهر وحسين الجسمي

الخميس , 24 يوليو 2025 - 15:20 | اخر تحديث: الخميس , 24 يوليو 2025 - 18:06

قدم النجم حسين الجسمي أغنية جديدة بعنوان "أنا والقمر" وهي مهداة مرة أخرى للفنانة ليلى أحمد زاهر من زوجها الفنان هشام جمال بعد نجاح أغنية حفل زفافهما.

ونشر هشام جمال جزء من الكليب عبر حسابه بتطبيق Instagram، وعلق كاتبا: "أغنية (أنا والقمر) أغنية مختلفة جدا بالنسبة ليا لأنها أول أغنية (وأشار إلى أنها بعد الزواج)، ولأني بعد ما سمعتهالها قالتلي بكل وضوح إن دي أحلى أغنية عملتها في حياتي في رأيها، يارب الأغنية تعجبكم كمان وان شاء الله نعمل اغاني احلى قريب".

وأضاف هشام جمال كاتبا: شكرا لاخويا الفنان العظيم حسين الجسمي على حماسه تجاه الاغنية واصراره لاخر لحظه انها تطلع بأفضل شكل وانه كمان السبب اني اشتغل الكبار، الشاعر أمير طعيمه، والموزع مادي على عمل انا فخور اننا عملناه سوا.

ليلى أحمد زاهر

وجاءت كلمات الأغنية:

الليل ونجومه وانا وعينيه .. مع صوت الموج وايدي في ايديه
وقمر في السما و قمر تحتيه .. وحبيبي معايا .. وده كفاية
خلينا يا ليل هنا قاعدين .. وهنمشي ازاي نروح على فين
ويا شمس تعالي بعد يومين .. وسيبيلي حبيبي ويايا
العمر معاه يا ريته يطول .. وأعيش وياه فصول وفصول
انا عايزه يكون هنا على طول .. يعيش ويايا وجوايا
لو فين هيروح يا ليلي هروح .. ويغيب ع العين ده مش مسموح
مش بس حبيب ده توأم روح .. وكأني شايفني في مرايا
يا قمر خليك هنا متمشيش .. ويا وقت ياريت تفوت بشويش
من حضن هواه متحرمنيش .. سيبوني اعيش جمب حبيبي
وانا وياه ملكت الكون .. في مكان مفيهوش بشر وعيون
مكان مايكون حبيبي هكون .. ده اغلى الناس في ترتيبي