آدم الشرقاوي يشكر جمهوره على دعمه بعد رسالته الأخيرة: إنتو دايماً دعمتوني وقبلتوني ... شكراً يا مصر

محمد سليم | فى سينما وتلفزيون

آدم الشرقاوي ومنى زكي ومحمد فراج

الاثنين , 14 يوليو 2025 - 00:46 | اخر تحديث: الاثنين , 14 يوليو 2025 - 00:46

حرص الفنان آدم الشرقاوي على توجيه الشكر لجمهوره ومتابعيه، وذلك بعد الدعم الذي لمسه منهم مؤخرا، عقب حديثه عن الفترة الصعبة التي مر بها، والتي أدت لابتعاده عن الساحة لبعض الوقت.

ونشر آدم الشرقاوي عبر صفحته الرسمية في موقع التواصل الاجتماعي إنستجرام صورا جمعته بمجموعة من النجوم، من كواليس الأعمال الفنية التي شارك بها، وكتب في التعليق: "شكراً لكل الناس اللي تواصلوا معايا والردود الرهيبة. شكراً للصحافة، للناس، ولكل اللي أونلاين، شكراً. هابقى أبطل أكون حساس وغريب بعد البوست ده".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

آدم الشرقاوي في كواليس أعماله الفنية

وأضاف آدم الشرقاوي: "وأنا مختفي؛ جاتلي رسايل كتير بتقول إني مش بشتغل في مصر عشان بفضّل أشتغل في أمريكا. مصر اديتني كتير أوي. بابا كان دايماً يقولي: إن مصر مفيش زيها مكان، وهو وماما كانوا دايماً يشجعوني إني أهتم بالثقافة، بس كنت صغير وغبي. اشتغلت في مصر مع أحسن ممثلين ومخرجين، والناس رحبوا بيا بجد".

آدم الشرقاوي في كواليس أعماله الفنية

وتابع: "رغم إني عشت معظم حياتي في أمريكا (ألوم أهلي)، بعد "لعبة نيوتن" حسيت إني مرغوب فيه ومقبول، كأني ما سبتش مصر أبداً. الناس المصريين سمحولي أشتغل على مشاريع كتير وبنيت نفسي. رغم إن لغتي العربية مش أحسن حاجة، ورغم إني مش فاهم الثقافة كويس، ورغم إني كنت حاسس إني مش دايماً أستاهل، إنتو دايماً دعمتوني وقبلتوني. شكراً يا مصر".

طالع أيضا - لا شيء ينقصنا! ... لماذا ترفض السينما المصرية عالم الـ3D

آدم الشرقاوي في كواليس أعماله الفنية

وكان آدم الشرقاوي تحدث في منشور سابق عبر إنستجرام عن فترة صعبة عاشها مؤخرا.

وقال آدم الشرقاوي في منشوره السابق: "‎كان ليا فترة طويلة ما نزّلت بوستات، بس كنت محتاج أخد بريك. من سنتين كنت تعبان جدًا، كنت قريب من 110 كيلو (250 رطل)، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى".

آدم الشرقاوي في كواليس أعماله الفنية

وأضاف: "كنت بكره كل حاجة في نفسي، وما كنتش بعرف نفسي خالص لما أبص في المراية. دلوقتي أقدر أقول إني أصحّ من أي وقت فات. رجعت لوزني الطبيعي 80 كيلو (180 رطل)، بحس إني رياضي أكتر من أي وقت، موجود جدًا في اللحظة (مافيش ضباب دماغ)، وكل أعضائي شغالة تمام".

وتابع: "حتى لما كنت عندي مشاكل صحية، ربنا تفضل عليّ بفرص كتير، ولما حسيت إني صحتي اتحسّنت، استغليت الفرص دي. أنا شاكر لحياتي ولكل تحدي واجهته. بشكر ربنا إنه خلاني أمر بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم. شكرًا لكل الناس اللي بتدعمني. متحمّس إني أشارككم اللي كنت بشتغل عليه".

يذكر أن آدم الشرقاوي شارك في بطولة مسلسل "1000 حمد الله على السلامة" الذي عرض في موسم رمضان 2023، وهو من إخراج عمرو صلاح وتأليف محمد ذو الفقار، ومن بطولة يسرا، آدم الشرقاوي، مايان السيد، شيماء سيف، محمد ثروت، إيمان السيد، وعنبة، وعرض على قناة CBC وCBC Drama ومنصة Watch IT.