إجلال زكي: جالي ورم في المخ بعد وفاة ابني وقعدت في العملية 12 ساعة

نهال ناصر | فى حياة المشاهير

إجلال زكي

الأربعاء , 9 يوليو 2025 - 20:43 | اخر تحديث: الأربعاء , 9 يوليو 2025 - 20:43

حكت الفنانة إجلال زكي عن إصابتها بورم في المخ بسبب حزنها على وفاة ابنها وانفعالها.

وقالت إجلال زكي خلال لقائها في برنامج "الستات" مع مفيدة شيحة وسهير جودة: "بعد وفاة ابني بشهورحصلي شلل نصفي ناتج عن انفعال، أنا شخصيتي عصبية شوية، انفعلت جامد أوي وجالي شلل نصفي رحت المستشفى عشان يعرفوا سببه إيه، ورحت لدكاترة مخ وأعصاب ومكنتش مستوعبة عندي إيه وواخدة الحكاية بضحك وهزار".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

إجلال زكي

وتابعت إجلال زكي: "الدكتور قالي بصي أنتي عندك ورم وإن شاء الله هنشيله، عملت عملية قعدت فيها 12 ساعة، وبنتي مرضيتش تمضي ولا أبويا على إقرار أن لو حصلي حاجة أنا المسئولة وأنا اللي مضيت كنت في مرحلة متأخرة".

نرشح لك: قناة ON تحذف برومو برنامج مها الصغير الجديد "كلام كبير" قبل أيام من عرض أولى حلقاته

إجلال زكي في برنامج الستات

وأكملت إجلال زكي حكايتها: "لما فوقت من العملية كنت في حالة يرثى لها لقيت شعري اتحلق، والخياطة كانت بخيط أسود، وأنا كنت مميزة بشعري، كانت حالتي النفسية مش كويسة أبدا".

كما حكت إجلال زكي عن خضوعها لعملية قلب مفتوح قبل 6 سنوات وكيف اكتشفت مرضها بالصدفة قائلة: "من 6 سنين كان في ست كبيرة قريبتي زي أمي وفجأة ابنها مات، وهي في العزاء كانت هتتجنن وبتقول يارب خدني قلبي حزن عليها لأني كنت حاسه بيها كان زعل ورا بعض وأنا كنت رايحة اكشف في مستشفى كشف دوري بعمله، لقيتهم بيكلموني دكتور القلب عايزك، قالي لقينا شريانيين مقفولين 80 % قلت له أنا مش بشرب سجاير ولا قهوة وقالي لازم نعمل قسطرة ونركب دعامات، في الأول قلت بيشتغلوني ورحت لدكتور قلب بتاع العيلة، قالي إيه هنعمل قسطرة استكشافية لقى شريان تالت مقفول 100% وعملت قلب مفتوح".

وبدأت إجلال زكي عملها الفني في برامج الأطفال مع "ماما سميحة" ثم كمذيعة في الإذاعة، ومن الأعمال التي شاركت بها بخلاف مسرحية "سك على بناتك"، أفلام "حضرة الضابط أخي" و"الشيطان يستعد للرحيل" و"قضية الأستاذة عفت" و"الطائرة المفقودة" و"الأشقياء" و"أشياء ضد القانون" و"موعد على العشاء" و"رجل بمعنى الكلمة"، ومسلسلات "اليتيم" و"الخروج من الدائرة" و"أهل الطريق" و"عائلة الأستاذ شلش"، ومن أفلامها "، ومن أدوارها الشهيرة دور "نادية" في مسرحية "سك على بناتك".