فردوس عبد الحميد: سعيدة برد فعل الولاد الصغيرين على "حرب الجبالي" ... بحاول أصاحبهم علشان يعرفوا شكلي واسمي

محمد سليم | فى سينما وتلفزيون

فردوس عبد الحميد

الجمعة , 4 يوليو 2025 - 01:18 | اخر تحديث: الجمعة , 4 يوليو 2025 - 01:18

قالت الفنانة الكبيرة فردوس عبد الحميد إنها سعيدة باستقبال الجمهور لمسلسل "حرب الجبالي" الذي عرض مؤخرا، وخاصة الشريحة العمرية من سن 10 إلى 13 سنة.

تحدثت فردوس عبد الحميد خلال لقائها مع الإعلامية إنجي علي في برنامج "أسرار النجوم" المذاع عبر نجوم إف إم عن سبب انجذابها للمشاركة في مسلسل "حرب الجبالي" قائلة: "لما لقيت العمل اللي فعلا فيه حاجة ممكن أقدمها، وزملاء محترمين كتير، وحسيت الألفة بيننا وبين الأحداث اللي بيتناولها المسلسل. ده الفيصل في إني أعمل عمل".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

فردوس عبد الحميد

وعن سر مشاركة عدد كبير من النجوم في "حرب الجبالي"، قالت فردوس عبد الحميد: "العمل والنص نفسه، وإن الأحداث ممكن تبقى حقيقية ومش مفتعلة، البيت المصري البسيط زي بيوتنا كلنا، اللي فيه الأمهات والإخوات والضراير، واللي فيه ألفة ما بينهم، كل ده جذب زملاء كتير، وكل واحد له دوره الملائم له".

لقطة من مسلسل حرب الجبالي

وأشارت فردوس الحميد إلى أنها كانت تشعر بالقلق من تأخر عرض المسلسل رغم انتهاء تصويره قبل فترة قائلة: "المسلسل اتصور في لبنان، وكنا بنخلص تصوير ونخرج مع بعض وكلنا بنحب بعض. كنت قلقانة ليه قعد سنتين مابيتعرضش، والحمد لله اتعرض وحاسة إن الجمهور معجب بالمسلسل".

طالع أيضا - يا بختي .. رسالة منة القيعي لعمرو دياب بعد أول تعاون بينهما في "يابخته"

لقطة من مسلسل حرب الجبالي

أوضحت فردوس عبد الحميد أنها لمست رد فعل الجمهور في الشارع قائلة: "اللي باسطني خصوصا رد فعل الصبية والبنات الصغيرين من سن 10 لـ 13 سنة، وطبعا بتصور معاهم وأحاول أصاحبهم علشان يتعودوا على شكلي ويعرفوا اسمي".

لقطة من مسلسل حرب الجبالي

وردا على سؤال ما أكثر مشهد تأثرت به، قالت فردوس عبد الحميد: "مشهد موت الولد ياسين وجع قلبي أوي، تخيلي ولد يتيم تبنته وهو عمره سنتين، وكبرته ودخل الجامعة، وفجأة بدون سابق إنذار يمرض وهي مش مدركة إنه في خطر فظيع، وأخوه أحمد رزق يديله كليته".

لقطة من مسلسل حرب الجبالي

يذكر أن مسلسل "حرب الجبالي" يشارك في بطولته أحمد رزق، رياض الخولي، انتصار، نسرين أمين، سوسن بدر، أحمد خالد صالح، هبة مجدي، صلاح عبدالله ، فردوس عبدالحميد، من تأليف سماح الحريري، وإخراج محمد أسامة.

اقرأ أيضا:

أحمد فهمي يروي قصة عن معجب ناداه في الشارع بـ"كلب السقا": مكنتش عارف اللي قال كدة أتصور معاه ولا أشتمه

عمرو دياب يتعاون مع ابنيه جنا وعبد الله في ألبومه الجديد "ابتدينا"

بيومي فؤاد: اعتذر لو زعلت حد من غير قصد ... حقك عليا

رضوى الشربيني لشيرين عبد الوهاب: لازم تحبي نفسك شوية.. ده انتي نص أغانيكي عن إزاي نحب نفسنا

لا يفوتك: ليه جمهور المغرب زعل من شيرين عبد الوهاب؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5