عفروتو: كنت ناقم على طريقة تربية أبويا ... لكن طلعني راجل صلب بصرامته

محمد سليم | فى سينما وتلفزيون

عفروتو

الاثنين , 30 يونيو 2025 - 19:06 | اخر تحديث: الاثنين , 30 يونيو 2025 - 19:06

كشف الرابر عفروتو عن أنه فوجئ برقص والده في حفل زفافه مؤخرا، وذلك بسبب صرامة والده التي اعتادها في طريقة تربيته له ولإخوته منذ صغره.

وقال عفروتو خلال حواره مع الإعلامي أنس بوخش في برنامج ABtalks Music: "كانت مفاجأة إن أبويا يرقص قدامي، هو ربى بطريقة صح أو غلط لكن طلعتني راجل، وطلعت إخواتي وإحنا أربعة رجالة، ودايما يتقال عنا أبوهم عرف يربيهم".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

عفروتو

وأضاف عفروتو: "طريقة التربية كانت شديدة وقاسية شوية، وأنا صغير كنت ناقم على ده، في أب يعامل ابنه بالشدة دي، أقول له نكتة يقول لي أنا مش صاحبك، لكن دي حياتنا وبيئتنا، وأنا اتربيت كويس بالطريقة دي".

عفروتو وأنس بوخش

أوضح عفروتو أنه تفهم طريقة والده في تربيته هو وإخوته قائلا: "أنا عشان من منطقة شعبية وارد أعمل مصايب، وعشان معملش مصايب لازم يكون في حد بخاف منه في البيت أو عامل له حساب، وأبويا بشدته دي طلعني صلب".

طالع أيضا - أحمد رزق وتيم حسن ودينا فؤاد من بينهم … 12 فنانا يحتفلون بتخرج أولادهم هذا العام

عفروتو وأنس بوخش

وكشف عفروتو عن موقف حدث له مع والده، وتسبب في تغيير طريقة تفكيره قائلا: "أنا لو بقيت دلوقتي أنا فده سببه إني في يوم كنت راكب مواصلات مع أبويا، وشوفنا زحمة على البنوك أول الشهر ناس بتاخد معاشاتها، وأبويا قال لي شايف الناس دي، كمان سنتين هبقى معاهم".

عفروتو

وتابع عفروتو: "دي الدقيقة اللي غيرت حياتي، ومن اليوم ده بقيت واحد تاني، عايز أبقى حاجة كبيرة وأريح الراجل ده، وعلى قد الصرامة عمري ما كرهت أبويا".

اقرأ أيضا:

منة شلبي وكريم فهمي وجيهان الشماشرجي ومايان السيد … تقلبات الحب في البرومو الأول لفيلم:"هيبتا: المناظرة الأخيرة"

مدين يتعاون مع رامي جمال في ألبومه الجديد بأغنية "روحي عليك بتنادي"

أكشن كريم محمود عبد العزيز وتقديم مختلف للشخصيات … ملاحظات على الحلقة الأولى من "مملكة الحرير"

مسلسل " فقرة الساحر": فن الاحتيال بضمير ولذة التعادل في الأخير

لا يفوتك: ليه ياسمين صبري ومحمد رمضان وأسماء جلال .. دايما تريند؟!

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5