تامر حسني يكشف سبب تعاونه مع رضا البحراوي بفيلم "ريستارت"- فيديو

FilFan | فى سينما وتلفزيون

رضا البحراوي وتامر حسني

السبت , 21 يونيو 2025 - 17:08 | اخر تحديث: السبت , 21 يونيو 2025 - 17:48

عبر النجم تامر حسني عن سعادته الكبيرة بطرح فيلم «ريستارت» بالسينمات خلال موسم عيد الأضحى، مؤكدًا أن فريق العمل بذل مجهودًا ضخمًا على مدار فترة التصوير.

وأضاف تامر حسني، في لقاء خاص مع الإعلامية شيرين سليمان ببرنامج "سبوت لايت" المُذاع على قناة صدى البلد، قائلاً: "إحنا تعبنا جدًا في الفيلم وربنا يكرمنا إن شاء الله، وكل الناس كانت بتسأل: يا ترى هتدخلوا العرض راكبين إيه؟ فقولتلهم هندخل تومناية سوا، كلنا كفريق واحد، أنا بحب فريق العمل جدًا، وتعاملنا كلنا بروح حلوة، وده اللي كنا بنعيشه طول فترة التصوير".

وكشف تامر حسني سر تعاونه مع المطرب الشعبي رضا البحراوي، في أغنية ضمن أحداث الفيلم، قائلاً: "رضا نجم شعبي كبير، وأنا بحبه من زمان، وكنا بنتكلم نعمل حاجة مع بعض، وحسيت إنه أنسب صوت للأغنية دي، وربنا كرمنا. هو فنان صوته جميل ومميز جدًا".

وتحدث تامر حسني عن حفلته الأخيرة، ممازحًا: "الحفلة الأخيرة دي ما كانتش حفلة، كانت فرح! إحنا وعدنا الناس إننا نعمل حاجة مختلفة تمامًا، وأنا دايمًا بحب أفاجئ الجمهور. الناس وقفت جنبنا سنين، وده أقل واجب نقدمه ليهم، الجمهور يستحق إننا نتعب ونشتغل على كل تفصيلة ونطلع بره المألوف".

يذكر أن فيلم "ريستارت من تأليف أيمن بهجت قمر، وإخراج سارة وفيق، وبطولة تامر حسني وهنا الزاهد وباسم سمرة وعصام السقا وميكا ومحمد ثروت، وعدد من النجوم.

اقرأ أيضا:

تفاصيل 24 استعراضا غنائيا لإدوارد ولولا جفان فى العلمين الجديدة بكواليس "عاجبني"

يسرا ورزان جمال وتارا عماد وصبا مبارك وأحمد مالك وظافر العابدين في احتفالية Cartier في تركيا

إيمان العاصي تستمتع بالريف الأوروبي وسط الأبقار والخضرة - صور

كنت بجربها ورايح أعلق نمرها ... أحمد سعد يتعرض لحادث سير

لا يفوتك: تعرف على مواصفات الشخص اللي ممكن ملك زاهر ترتبط بيه

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5