رامز أمير: أنا رافض إن حد يتعامل مع مراتي .. وخبيتها في صور حفل الزفاف

مي جودة | فى حياة المشاهير

رامز أمير في حفل زفافه

السبت , 21 يونيو 2025 - 15:46 | اخر تحديث: السبت , 21 يونيو 2025 - 15:49

كشف الفنان رامز أمير عن سبب رفضه لظهور زوجته معه في أي مناسبات عامة.

قال رامز أمير: "أنا رافض إن حد يتعامل مع مراتي أو يشوفها خالص، يعني ماتطلعيش على السوشيال ميديا، أنا بخرج معاكي في الشارع اللي يشوفك يشوفك بس مش على الملأ، ليه يعني؟ ليه تطلعي للناس؟ هي مش عايزة كدة وأنا مش عايز كدة"، وذلك خلال بودكاست "أمل غرايبة مع".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن صور زفافه التي نشرتها دون ظهور وجه زوجته، قال رامز أمير: "مخبيها، لأن دي ليها ضريبة مش مطلوب منك تستحمليها خالص، وأنا بمعرفتي بالناس محدش يستحملها، هي وحشة جدا على فكرة، وحشة وحشة، اللي هو انا ساعات بتضايق جدا.

وأضاف رامز أمير: في ناس بتدخل جوه النوايا، وأنا مش بحب أدخل الناس في حياتي، مش بس عشان دي شخصيتي، ساعة لما اتجوزت، أنا عارف قسوة الناس، الجمهور، ده على الملأ، فأنا متعود كممثل على الغلط أو الهجوم أو أي حاجة، دي جزء من شغلي، زي ما بقول لك أنا ابقى بعمل السوشيال ميديا وفجأة الاقي ناس بتشتم في التعليقات وناس بتسقف، وناس من الوسط الفني بيقولوا لي اللي انت بتعمله دا غلط، أنا متعود على فكرة الهجوم، في أشخاص مش ذنبها إن هي لها علاقة بممثل، يعني مش هتستحمل، يعني هي مش بس أنا رافض أن حد يتعامل مع مراتي أو يشوفها،

View on Threads

يذكر أن رامز أمير احتفل بزواجه في شهر يونيو 2023، ونشر عبر حسابه في موقع إنستجرام صورة مع عروسه، وأحد الطيور الجارحة التي يشتهر بتربيتها.

اقرأ أيضا:

تفاصيل 24 استعراضا غنائيا لإدوارد ولولا جفان فى العلمين الجديدة بكواليس "عاجبني"

يسرا ورزان جمال وتارا عماد وصبا مبارك وأحمد مالك وظافر العابدين في احتفالية Cartier في تركيا

إيمان العاصي تستمتع بالريف الأوروبي وسط الأبقار والخضرة - صور

كنت بجربها ورايح أعلق نمرها ... أحمد سعد يتعرض لحادث سير

لا يفوتك: تعرف على مواصفات الشخص اللي ممكن ملك زاهر ترتبط بيه

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5