بسمة بوسيل تطمئن جمهورها على صحة ابنها ... وتعلن موعد ألبومها الجديد

مي جودة | فى حياة المشاهير

بسمة بوسيل

الأربعاء , 18 يونيو 2025 - 22:06

طمأنت الفنانة المغربية بسمة بوسيل جمهورها على حالة ابنها آدم، ابن النجم تامر حسني، الصحية، مؤكدة تحسن حالته بشكل كبير.

قالت بسمة بوسيل في فيديو نشرته عبر خاصية Stories بتطبيق Instagram: "شكرًا لكل الناس اللي سألت على آدم ودعت له هو لسه في مرحلة العلاج يعني لسه محتاج دعواتكم بس هو أحسن بكتير الحمد لله، وشكرا من قلبي لكل الناس اللي افتكرته".

وتابعت بسمة بوسيل: مفاجأتي الثانية هي أن يوم الجمعة 20 يونيو، سأطلق ألبومي الجديد، سيكون مزيج بين أغاني مصرية ومغربية".

وكان تامر حسني كشف عن تطورات حالة ابنة "آدم" الصحية وكتب عبر حساباته في مواقع التواصل الاجتماعي: "لكل الغاليين اللي اهتموا بتعب ابني الحمدلله الوضع مستقر بعد العملية التانية وخرج من العناية المركزة بفضل الله ثم دعواتكم اللي لو عشت أشكركم عمري كله مش هوفي حقكم وربنا يتمم الشفاء على خير، ودايماً بقول على دعواتكم الكريمة: لكم مثلها وأضعاف أضعافها. شكراً يا أغلى الناس ربنا يحفظكم. ويحفظ ولادكم قادر ياكريم".

وكان تامر حسني كشف تفاصيل الوعكة الصحية التي تعرض لها نجله، وكتب عبر حسابه بموقع Facebook: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا و على تليفوني و تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس، وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص لا روحوا اكشفوا كويس، واعملوا سونار على البطن والزايدة مرة و٢ عشان برضو ساعات مش بيبان، ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة".