تامر حسني يطمئن محبيه على ابنه آدم: عمل عمليتين كبار بسبب انفجار الزايدة المفاجئ ... بس هو راجل وهيتحمل

مي جودة | فى سينما وتلفزيون

تامر حسني

الأربعاء , 11 يونيو 2025 - 17:37 | اخر تحديث: الأربعاء , 11 يونيو 2025 - 17:54

كشف النجم تامر حسني تفاصيل الأزمة الصحية التي يمر بها ابنه آدم منذ أيام وتواجد على إثرها في غرفة العناية المركزة بإحدى المستشفيات.

وكتب تامر حسني عبر حسابه بموقع Facebook: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا و على تليفوني و تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس، وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص لا روحوا اكشفوا كويس، واعملوا سونار على البطن والزايدة مرة و٢ عشان برضو ساعات مش بيبان، ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة".

تامر حسني

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع تامر حسني: اطمنوا كذا مرة قبل لحظة انفجارها عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر يارب، بحق كن فيكون، اشفيه وعافيه، هو وكل ولادنا، بس هو راجل وهيتحمل وإن شاء الله ربنا يكرمه و يعافيه و يحفظه هو و إخواته و يحفظ كل ولادكم يارب.

وأضاف تامر حسني: وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق، متشكر أوي يا جماعة شكراً لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه و أنا برضو بدعيلكم، وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم.

اقرأ أيضا:

حماقي يتألق بأضخم حفلات عيد الأضحى على شاطئ المنصورة الجديدة

#شرطة_الموضة: نسرين طافش بفستان أبيض بسيط وحقيبة من louis vuitton سعرها 400 ألف جنيه

مع قطتها … جنا عمرو طفلة "خطة جيمي" تحتفل بعيد ميلادها الـ 20

#شرطة_الموضة: تفاصيل فستان زفاف أمينة خليل ... مصمم خصيصا لها ومبطن بالكامل

لا يفوتك: تعرف على مواصفات الشخص اللي ممكن ملك زاهر ترتبط بيه