"هي المشرحة ناقصة قتلى" … ياسر عزت يحكي عن موقف صعب مع فنان شهير

نهال ناصر | فى حياة المشاهير

ياسر عزت

السبت , 7 يونيو 2025 - 20:58 | اخر تحديث: السبت , 7 يونيو 2025 - 20:58

حكى الفنان ياسر عزت عن موقف صعب عاشه مع نجم كبير سبب له أزمة وقتها.

وكتب ياسر عزت عبر حسابه على Facebook ليحكي عن الموقف ورفض الكشف عن اسم النجم حتى لا يثير جدلا بين الجمهور.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقال ياسر عزت: "بمناسبة البوست بتاع الكاتب والمؤلف محمود حمدان بخصوص الفنان أحمد آدم، مرة زمان كنت بعمل مسرحية اسمها "كاليجولا" وجه الفنان محمد لطفي يتفرج وعجبه العرض وصارت صداقة على الضيق كده، وكان الفنان محمد لطفي بيصور فيلم وقتها فيه نجوم كتير أوي وإخراج مخرج كبير".

نرشح لك: أسما شريف منير تحتفل بزواجها

وتابع ياسر عزت: "طلبت منه ان أروح أزوره في التصوير وأهي فرصة يمكن يكون فيه نصيب لشغل يعني، مطولش عليكم قولولي طول روحت اللوكيشن واستقبلني الفنان محمد لطفي كويس جدا مع أني مكنتش صاحبه أوي بصراحة وصادفت أن الكاست كله كان متجمع وقاعدين مع بعض، نجوم الفيلم كلهم،فخدني من إيدي ودخل قالهم ده ياسر عزت ممثل وشوفته بيعمل "كاليجولا" وممثل جامد جدا".

ياسر عزت

وأضاف: "فكان موجود نجم أكبر الموجودين سنا، رد عليه قاله يا سلام .. ممثل جامد جدا، هي المشرحة ناقصة قتلى يعني، أيه جامد جدا دي، مفهمتش ساعاتها هو بيتكلم بجد ولا بيهزر ولا ايه بالظبط بس خدت الكلمتين ومن اللوكيشن على بيتنا وحتي مقابلتش المخرج".

واختتم ياسر عزت كلامه: "النجم الكبير مش بس كبير بنجوميته لا ده كبير بإحتوائه للأصغر منه في الشغلانة والدعم للصغير ده واجب على أي نجم كبير،حتى لو مشجعوش ميحبطوش لأنه بسبب كلمة أو تصرف ممكن يبطل الشغلانه أساسا، طبعا أنا مش هقول اسم النجم الكبير ده، أحسن الناس الكيوت الملايكة أم جناحات تشتمني واطلع قلبي أسود ومبسامحش وربنا مش هيكرمني أبدا".

اقرأ أيضا:

زيزو وإمام عاشور وبن شرقي ومحمد الشناوي وعلي معلول يروجون لـ"7 Dogs"

#شرطة_الموضة: هيفاء وهبي بفستان شفاف بدون بطانة في حفل 𝐁𝐀𝐌𝐀 𝐀𝐰𝐚𝐫𝐝𝐬 ... سعره 247 ألف جنيه

محمد رمضان يهدي "أنا رئيسها" لشيكابالا

أحمد العوضي يشارك جماهيره في عين شمس صلاة العيد - فيديو

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5