وفاء صادق: بابا مكنش موافق إني أدخل الفن وطردني من الاستديو

نهال ناصر | فى سينما وتلفزيون

وفاء صادق

الأحد , 1 يونيو 2025 - 13:47 | اخر تحديث: الأحد , 1 يونيو 2025 - 13:47

استعادت الفنانة وفاء صادق ذكريات بداياتها الفنية وتعاونها مع والدها المخرج الراحل عادل صادق.

وحكت وفاء صادق خلال لقائها في برنامج "ساعة ونس" مع مراد مكرم عبر قناة cbc سفرة عن أول تعاون مع والدها وكيف قام بطردها من الاستديو.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت وفاء صادق: "اطردت من الاستديو مرة لما قلت له يا بابا لدرجة إني مستوعبتش إيه الغلط في إني أقوله يا بابا، كان من أصعب المخرجين اللي اشتغلت معاهم لأنه كان عنده حساسية أنه بيتعامل مع بنته فميتقالش أنها متدلعة أو بتشتغل عشان بنته، حتى في المعاملة كان ناشف معايا".

نرشح لك: #شرطة_الموضة: منى زكي بفستان وردي قصير في حفل زفاف أمينة خليل … سعره 82 ألف جنيه

وتابعت وفاء صادق: "بابا مكانش موافق دخولي الفن خالص لكن مش من باب أن هو مش عايز بنته تمثل هو كان شايف إني متدلعة على المهنة، لأن المهنة دي عايزة حد ملتزم وجد ويقدر يتحمل المشقة بتاعتها لأن منظرها من برا يبدو أنها سهلة، وأنا كان عليا إني أثبت له إني قد المسئولية دي".

وفاء صادق

وأضافت وفاء صادق: "أول عمل كان مسلسل "الطاووس" من إخراج بابا الله يرحمه وقدمني في 7 مشاهد، قالي هو دا اللي ليكي عندي، اثبتي أنك قد المسئولية دي، هديكي الفرصة اللي ناس كتير تتمناها وريني بقى، وبعد كده جالك شغل جالك مجالكيش أنا عملت اللي عليا".

وأكملت وفاء صادق: "اتعلمت منه فنيا أنا متربية في مطبخ الشغلانة من قبل ما اشتغل أرجع من المدرسة على الاستديو، كان بيقولي أساسيات المهنة اللي هي أنا الحقيقة دلوقتي مفتقداها جدا، احترام المهنة عشان تحترمني وأديها قد إيه من وقتي واهتمامي واحترام الكبار اللي في المهنة مهم أن الممثل يبقى بيتفرج على قد ما بيشتغل، وأنا كان حظي حلو اشتغلت مع كل الكبار".

يذكر أن وفاء صادق غابت عن موسم رمضان 2025، وكان آخر مسلسلاتها "عتبات البهجة" مع يحيى الفخراني تكون من 15 حلقة وعرض في رمضان 2024.

اقرأ أيضا:

هل تنوي ياسمين صبري اتباع صيحة الـLabubu؟

لقاء مميز بين نانسي عجرم وعمرو دياب في حضور ابنتيه جنا وكنزي: بقول له يغني لبرج الثور بس مش قبلان

#شرطة_الموضة: روبي بفستان لامع بفتحة جانبية طويلة في حفلها بالأردن … سعره 138 ألف جنيه

ريهام عبد الغفور مع هشام ماجد ومنى زكي وأحمد حلمي … صور جديدة من حفل زفاف أمينة خليل

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5