حلا شيحة تطلق قناة لتفسير القرآن الكريم: لما بعدت عن ربنا قدرت ارجع لآيات جوايا

مي جودة | فى حياة المشاهير

حلا شيحة

الخميس , 29 مايو 2025 - 14:13 | اخر تحديث: الخميس , 29 مايو 2025 - 14:51

دشنت الفنانة المعتزلة حلا شيحة قناة عبر موقع YouTube للحديث عن حبها لله والدين الإسلامي وتأثرها بالقرآن الكري.

قالت حلا شيحة في أول فيديو نشرته: "سعيدة أوي وأنا بتكلم عن ربنا، وسعيدة إن في ناس بعتالي بتقولي بنحب طريقتك وكلامك واتكلمي أكتر وأنا حاسة إن دي أكتر حاجة بحبها، وأكتر حاجة بتشغلني دايما، وبتشغل بالي وفكري وقلبي، حب ربنا سبحانه وتعالى، والتفكر في آيات ربنا سبحاته وتعالى، فقعدت أفكر ليه معملش أول فيديو ونتكلم فيه عن القرآن الكريم، وسر ارتباطي أنا بالقرآن الكريم، وسر هدايتي بالقرآن الكريم، وإيه الحاجات اللي أثرت فيا وخلتني أحب القرآن جدا، وغيرت حياتي كتير، حتى لما بعدت عن ربنا سبحانه وتعالى بردو قدرت ارجع لآيات جوايا".

وتابعت حلا شيحة: مافيش حد بيحس حاجة حقيفية بتهزه جوا وبيبعد ولو بعد بيبقى عايز يرجع تاني، وسعيدة واتمنى أن الفيديو دا يكون في كلام عن القرآن الكريم مش من منطلق الداعية والمفسرة، من منطلق التجربة، ومش هنقف طبعا عن كل الآيات نتدبرها، هنقف عند بعض الآيات اللي أثرت في مشواري أنا وخلتني أنا دلوقتي أبقى هنا.

وأضافت حلا شيحة: ناس كتير بتبعت لي بتقولي حلا إحنا حاسين إنك قوية وإزاي قدرتي تتخطي كل دا ورجعتي تقربي لربنا تاني ودي حاجة مش سهلة، وسبحان الله مافيش حاجة مش سهلة، وربنا اللي جميل وربنا اللي بيهدينا واحنا بنطلب الهداية من ربنا ولازم نحسن الظن في الله مهما يكون حالنا.

وكتبت حلا شيحة في خانة وصف القناة: "ديننا بهجة وحياة أجمل وروح أطيب وقلب انقي وسعادة مختلفة وشوق لما هو أعلي وأغلي، حنتكلم من القلب".

يذكر أن حلا شيحة فاجأت متابعيها بعودتها للحجاب من جديد، ناشرة صورة جديدة لها ومقاطع فيديو عبر حسابها الشخصي بتطبيق Instagram.

اقرأ أيضا:

أحمد سعد يزيل التاتو: من أحسن القرارات اللي أخدتها

هل كشف نيشان عن زواج وائل كفوري؟ هكذا علق الإعلامي

إيمي سمير غانم وحسن الرداد يرزقان بثاني أبنائهما … اختارا لها هذا الاسم

سلمى أبو ضيف توثق أولى سفرياتها مع ابنتها صوفيا

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5