عمرو سلامة يتحدث عن حبه للزمالك: المفروض نفرح أوي لما نكسب الأهلي مرة لأن إنت ظروفك ماتسملحكش بأكتر من كدة

مي جودة | فى حياة المشاهير

عمرو سلامة

الخميس , 22 مايو 2025 - 15:05 | اخر تحديث: الخميس , 22 مايو 2025 - 15:05

تحدث المخرج والسيناريست عمرو سلامة عن حبه لنادي الزمالك وانتماءه له رغم قطيعته لمشاهدة كرة القدم تماما لمدة 9 سنوات.

قال عمرو سلامة: أنا قعدت 9 سنين مبطل سجاير وزمالك، 9 سنين لا نفس سيجارة ولا ماتش زمالك، الزمالك ضار أكتر بالصحة، عندي نظرية، الزمالك شبه مصر أوي، الأهلي دا المؤسسة الوحيدة اللي في مصر مش شبه مصر، الزمالك شبه مصر إنه بيديك أمل في لحظات تبقى فاكر إن الدنيا لسه سودا، ويحبطك في لحظات قمة الأمل، هو على طول بيلاعبك، دي درامته، دي جمال الدراما، إن إنت تبقى فاكر إنها سودا، تلاقي نفسك كسبت السوبر، تبقى جايب فريق الأحلام وماتشمش دوري، اواحر التسعينيات كدة، قاصي سعيد وأحمد الكاس، انا الحمدلله إني حضرت فقرتين"، حسب تصريحاته في بودكاست "فايق ورايق" الذي يقدمه ابراهيم فايق.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع عمرو سلامة: من 2004 لـ2013، لا زمالك ولا سجاير، رجهت للسجاير الأول وبعدها بفترة رجعت اهتم بالكرة تاني، لحد ما في 2019 كدة والأمل العظيم، والقاضية ممكن بقى، حزن، اللي رجعني للكرة تاني في 2018 لما روحنا كاس العالم، احنا كنا جامدين أوي، انا بتفرج على الماتش والمفروض نكسب 3،

وأضاف عمرو سلامة: انا ملحقتش ذروة ميسي ورونالدو، محضرتش اللحظات الحلوة دي، قولت ساعتها مش هتفرج على كرة، قعدت بقى أشوف كل ماتشات أوروبا دي تاني.

واستكمل عمرو سلامة حديثه عن حبه للزمالك قائلا: "انت ممكن تطلع زملكاوي عشان ابوك زملكاوي، عشان اصحابك في الفصل كانوا زملكاوية، بس إنك تكمل زملكاوي دا اختيار، إنك تكمل أهلاوي دا سهلة، الزمالك قادر يخليك تفقد الأمل في الكرة، فإنك تكمل زملكاوي متحمس دا معناه إنك شخص عندك قلب متعاطف جدا، عندك ولاء جدا، صبور وحمول جدا بتعرف نوع الأدوية اللي تاخدها والقدرة على مواجهة الظروف الصعبة والقدرة إنك تقف بعد ما تقع، أكيد أي شخص مكمل زملكاوي متحمس فيه صفات مشتركة هتلاقيها فيهم، وإنك تبقى بتتعاطف مع الطرف الأضعف، اللي بيسموها برا Underdog، والسينما قايمة على كدة".

وأضاف عمرو سلامة: المصيبة إن الكل بيقنعك إن الكرة أهلي وزمالك، فبيقعد يغذي دي فيك، ولما تيجي تكتشف حقيقة الواقع تكتشف إنه الأهلي والباقي، مش هنضحك على بعض، القاعدة هي إن اللي معه فلوس أكتر وظروف واستقرار أحسن، أكيد هيبقى فارق أوي عن اللي معوش التلاتة، استثناء القاعدة إن يحصل مفاجآت كل فين وفين، لو جبت ترتيب الدوري وترتيب الميزانيات هتلاقي تقريبا الاتنين متوافقين

وتابع عمرو سلامة: أنت كزملكاوي على طول محطوط في حتة زمالك وأهلي، يس هو واقعيا لا عندك المميزات دي ولا الفلوس دي ولا عندك الإدارة دي، وبيتصدر لنا فكرة إننا المفروض ننافس الأهلي، احنا المفروض نفرح أوي لما نكسب الأهلي مرة لأن إنت ظروفك ماتسملحكش بأكتر من كدة.

اقرأ أيضا:

رحلة نيلية جمعت أحمد مالك وحسن مالك بتامينو حفيد محرم فؤاد وريكس أورانج كانتري - فيديو

دمية Labubi تصل للنجوم ... بسنت شوقي جمعت كل أشكالها - فيديو

بسجدة شكر … بسمة وهبة تحتفل بالإفراج عن عمر زهران

#شرطة_الموضة: ياسمين صبري بفستان أزرق سماوي أنيق في كان

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5