مروة صبري للمتنمرين على إليسا: ادعموها بكلمة حلوة بدل التنمر

نهال ناصر | فى حياة المشاهير

مروة صبري وإليسا

الثلاثاء , 20 مايو 2025 - 12:08 | اخر تحديث: الثلاثاء , 20 مايو 2025 - 12:08

وجهت المذيعة مروة صبري رسالة للجمهور طالبتهم فيها بدعم الفنانة إليسا بدلا من التنمر عليها.

وتحدثت مروة صبري خلال برنامجها "قعدة ستات" عن الجدل الذي أثير بعد ظهور إليسا بشكل مختلف وقالت: "إليسا كانت بتدعم النجمة كارول سماحة في أول يوم عرض ليها في المسرح بعد وفاة جوزها، وحد بيعمل معاها لقاء فإليسا طالعة بشكل يمكن يكون غير شكلها مختلف، وشها وإيديها وجسمها منفوخ والناس قالت دي إليسا ولا حد تاني ومستحيل تكون هي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

إليسا بشكل متغير في أحدث ظهور

وتابعت مروة صبري: "اللى أنتوا شايفنها دي إليسا مالها بقى ناس قالت أنها عملت تجميل كل واحد بيحب يجتهد وحد قال أن سنها كبر بس إليسا مش كبيرة ممكن في الأربعينات أوائل الخمسينات فهي مش كبيرة سنها مفيهوش مشكلة والست كل ما بتكبر كل ما بتحلو وكل ما بتهتم بنفسها أكتر الشكل اللي هي فيه واضح أنها عيانة، هي من 6 أو 7 سنين كانت مصابة بالسرطان وبتاخد جلسات ومن الواضح شكلها عيان وواخدة حاجة فيها كورتيزون وجسمها منفوخ شوية، الناس سابت كل حاجة في حياتها ومسئولياتها وماسكة أنها عملت تجميل، أو أن الصورة اللي شفناها دي واحدة منتحلة شخصيتها ومش هي".

نرشح لك: محامي محمد رمضان: أسرة الطفل المشتكية في حق نجله تسعى لابتزازه ومساومته للحصول على تعويض

إليسا

وأضافت مروة صبري: "ليه ما نلتمس العذر ونقول الست مريضة ليه منخترعش حاجة نطبطب بيها على الناس أنتوا دخلتوا حياتها عرفتوا عنها حاجة، هل عشان هي عيانة ولا بتاخد كرتيزون الله أعلم هل دا معناه أننا نجلدها ونتعبها أكتر ما هي تعبانة مستغربة السوشيال ميديا، ولو نزلت أغنية هنسقف لها ونقول دي ملكة الإحساس الناس ملهاش كتالوج النهاردة بتحب فنان بكره تكره، إليسا حلوة وزي القمر هي واضح أنها تعبانة بس عادي مفيش حد نازل بفلتر، واللي بيظهر في الصور مفيهوش غلطة دا كله فيك إحنا بني آدمين والناس بتكبر وبتاخد دواء، الفنان بني آدم، خلينا ندعم إليسا بكلمة حلوة وإننا مستنين أغانيها الجديدة".