فيديو - أحمد حلمي وإلهام شاهين وسامي مغاوري يتذكرون مواقف عادل إمام معهم ... ماذا قالوا؟

محمد سليم | فى سينما وتلفزيون

عادل إمام وأحمد حلمي وإلهام شاهين

الاثنين , 19 مايو 2025 - 00:49 | اخر تحديث: الاثنين , 19 مايو 2025 - 00:49

عرضت الفنانة إسعاد يونس في حلقة اليوم من برنامج "صاحبة السعادة" المذاع عبر قناة dmc رسائل النجوم للنجم الكبير عادل إمام بمناسبة عيد ميلاده.

وقال أحمد حلمي متذكرا لقاءه الأول بالزعيم عادل إمام: "كل سنة وإنت طيب يا أستاذ عادل، وعيد ميلاد سعيد عليك يا رب، يا رب تكون في أفضل صحة وأحسن حال يا حبيبي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

عادل إمام

وأضاف أحمد حلمي: "عايز أقول إمتى أول مرة قابلت فيها أستاذ عادل الزعيم، كان في عرض خاص لفيلم ليه خليتني أحبك، خلص الفيلم ونور النور وكلنا وقفنا والناس بتصفق ومبسوطين، وفجأة لقيته قدامي".

أحمد حلمي

وتابع: "طبعا سعادتي برؤيته كانت مهولة، جايز تكون تجاوزت سعادتي بإن الفيلم موجود في السينما والناس بتصفق، دي أول مرة أشوف فيها عادل إمام".

طالع أيضا - أنغام تتألق في حفل كبير تحت رعاية وزارة الثقافة على مسرح النافورة بدار الأوبرا المصرية

إلهام شاهين

وقالت إلهام شاهين في رسالتها للزعيم: "كل سنة وإنت طيب يا عدولة يا زعيم يا جميل يا فنان يا كبير يا حبيبنا كلنا. أنا بالذات بحبك بشكل خاص، ودايما أقول إن فضلك علي، وإنت اللي إديتني أول فرصة في حياتي بطولة في عمل كبير جنبك، ومع مؤلف كبير أستاذ وحيد حامد، والمخرج الكبير سمير سيف، أشكرك من كل قلبي لأنك ساعدتني ووقفت جنبي في بداية حياتي، وبعد الفيلم ده أنا بقيت نجمة لها تميز".

سامي مغاوري

وقال سامي مغاوري: "أستاذنا الكبير ونجم نجومنا عادل إمام، كل سنة وإنت طيب، بنحبك أوي، ومش هنسى يوم ما مكانش حد في مصر يعرفني، وعملت دور صغير معاك في فيلم حب في الزنزانة، يوم ما ندهتني في المسرح وحييتني قدام الناس كلها وطبطبت علي، وقلت لي يا سامي إنت هتبقى ممثل كويس جدا ومميز، إنت يومها رفعت روحي المعنوية، ربنا يخليك لنا ونكبر بيك، ودايما في وسطنا، العمر كله والصحة".

وقالت نهى العمروسي: "أستاذ عادل بيعمل جو فرحة وبهجة، كلنا بنبقى عاملين زي العيلة وبنضحك، بجد أحلى أيام في حياتي في تصوير جزيرة الشيطان وشمس الزناتي، عمري ما هنسى الأيام الحلوة دي، ربنا يخليك لنا يا زعيمنا وحبيبنا وأستاذنا".

اقرأ أيضا:

شقيقة سعاد حسني: لم نطالب بميراث من ورثة العندليب لكي يشوهوا صورتها

أسرة عبد الحليم حافظ: العندليب وجد سعاد حسني مغرورة بعد نجاح "خلي بالك من زوزو"

فيديو - هل تعمد عادل إمام إطلاق لقب "الزعيم" على نفسه؟ اسمع ماذا قال

أحمد سعد يشعل أجواء حفله في أستراليا بإطلالة كاجوال

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5