صفية العمري عن ظهورها بـ"مايوه" في فيلم "أبدا لن أعود": لما بشوف نفسي دلوقتي بتضايق جدا

نهال ناصر | فى حياة المشاهير

صفية العمري

السبت , 17 مايو 2025 - 11:05 | اخر تحديث: السبت , 17 مايو 2025 - 13:05

تحدثت الفنانة صفية العمري عن ظهورها بـ"مايوه" في فيلم "أبدا لن أعود" الذي أنتج عام 1975.

وأوضحت صفية العمري أن في هذا الوقت كان الظهور بالمايوه والملابس القصيرة أمرا عاديا، مضيفة خلال لقائها في برنامج "كلام الناس" مع ياسمين عز: "وقتها كان عادي جدا جدا وحتى نادية لطفي كانت لابسه مايوه، لكن أنا لما بشوف نفسي دلوقتي بتضايق جدا لأن من يومها أنا ملبستش مايوه".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت صفية العمري: "أنا كنت جديدة ومقدرش أقول لأ للمخرج لأن مكنش ينفع أي وجه جديد يتناقش مع المخرج ويقوله لأ أنا مقدرش وقتها متجيش مع السلامة، الفكرة إني بنقذ ولد من المايه فلازم أبقى لابسه لبس مناسب للحدث".

نرشح لك: #شرطة_الموضة: رزان جمال بفستان برجندي برقبة Halter ... سعره 423 ألف جنيه

صفية العمري في فيلم "ابدا لن أعود"

وأضافت صفية العمري: "مكنش وقتها في أي محظورات بالنسبة للمايوهات والملابس القصيرة، كل الأفلام مكنش في حد شايفها أنها مش طبيعية أو تضايق".

وخلال اللقاء ردت صفية العمري على شائعة اعتزالها التمثيل، التي تتردد بين الحين والآخر، وقالتك "مفيش فنان بيعتزل، اعتزاله يعني وفاته، لكن أنا اعتزلت الأدوار اللي متناسبنيش واللي مش متعودة عليها ولا الناس متعودة تشوفني عليها".

وأضافت صفية العمري: "الحاجة الغريبة جدا إنه لما كان يتصل بي منتج وييقول في عمل رائع جدا، ودور حلو جدا عشانك أقول أهلا وسهلا اتفضل ابعتهولي، وأتفاجأ بإنه بيقول أبعتهولك على واتس آب".

وتابعت: "أنا بحب أشوف الورق مكتوب قدامي أقراه وأحط ملاحظاتي، فأقول متأسفة جدا. ده كلام ماأقبلوش ويمكن الجيل ده يقبله، لكن إحنا متعودين يجيلنا السيناريو من الحلقة الأولى للحلقة الـ 30 أو 10 أو 15، علشان أعرف البداية والنهاية، مينفعش أدخل البلاتوه معايا حلقتين وأستنى مشهد على الهوا".